Nuh, keluargané, lan kéwan-kéwan mlebu kapal. Terus, Yéhuwah nutup pintuné. Bar kuwi mulai udan, udané deres banget. Kapalé mulai ngapung. Akhiré, buminé kleleb banyu. Wong-wong sing ora mlebu kapal mati kabèh. Tapi, Nuh lan keluargané slamet. Meréka mesthi seneng banget merga manut karo Yéhuwah.

Sakwisé 40 dina lan 40 wengi, udané mandheg. Terus, banyuné mulai surut. Akhiré, kapalé mandheg ing pegunungan. Tapi, isih akèh daratan sing kleleb banyu, dadi Nuh lan keluargané durung isa metu.

Suwé-suwé banyuné asat, terus lemahé mulai garing. Nuh lan keluargané wis ing njero kapal luwih saka setaun. Bar kuwi, Yéhuwah ngongkon Nuh lan keluargané metu. Terus, Nuh lan keluargané mènèhké persembahan kanggo Yéhuwah. Kuwi dadi bukti nèk meréka bersyukur banget merga wis dislametké Yéhuwah.

Yéhuwah seneng karo persembahan kuwi. Yéhuwah janji ora bakal ngukum kabèh sing ana ing bumi nganggo banjir manèh. Terus, ana pelangi ing langit. Kuwi pertama kaliné ana pelangi. Kuwi dadi tandha perjanjiané Yéhuwah. Apa kowé tau ndelok pelangi?

Bar kuwi, Yéhuwah ngongkon Nuh lan keluargané nduwé anak lan ngebaki bumi.