PELAJARAN 55

Mbantu ing Jemaaté Dhéwé

PUTER

Umaté Yéhuwah sak donya nggabung ing jemaat-jemaat. Wong-wong kuwi bersyukur merga éntuk petunjuk lan tuntunan ing jemaat. Mulané, dadi padha péngin ngekèki apa waé bèn isa mbantu ing jemaat. Apa njenengan ya ngrasa kaya ngono?

1. Apa waé contoné mbantu ing jemaat?

Kabèh isa mbantu ing jemaat. Misalé, nèk ana sedulur sing wis tuwa utawa lara-laranen, isa dijemput bèn isa teka ing pertemuan ibadah. Utawa, dibantu blanja lan diresiki omahé. (Wacanen Yakobus 1:27.) Terus, ya isa mèlu ngresiki lan ndandani Balé Ibadah. Awaké dhéwé ”réla” mbantu merga sayang karo Yéhuwah lan para sedulur.—Mazmur 110:3.

Nèk wis dibaptis, isa mbantu luwih akèh. Sedulur lanang isa dadi abdiné jemaat lan mengkoné isa waé dadi pinituwa. Sedulur lanang lan wédok isa dadi perintis. Terus, ya ana sing mbantu mbangun Balé Ibadah utawa pindhah ing jemaat sing butuh luwih akèh penginjil.

2. Piyé carané mbantu jemaat nganggo ’duwèké awaké dhéwé sing berharga’?

Menurut Alkitab, ’duwèké awaké dhéwé sing berharga’ isa dienggo ”ngluhurké Yéhuwah”. (Wulang Bebasan 3:9) Awaké dhéwé seneng isa nyumbang kanggo jemaat lan kanggo gawéan nginjil sak donya. (Wacanen 2 Korintus 9:7.) Mengko, sumbangané ya isa dienggo mbantu sing kena bencana. Ana akèh sing isa terus nyumbang merga ’nyisihké dhuwité’. (Wacanen 1 Korintus 16:2.) Sumbangan kuwi isa dilebokké ing kothak sumbangan utawa liwat donate.jw.org. Nyumbang kuwi bukti nèk sayang Yéhuwah.

SINAU LUWIH AKÈH

Ayo ngrembug apa waé carané isa mbantu ing jemaat.

3. Nyumbang

Yéhuwah lan Yésus sayang karo wong sing seneng ngekèki. Contoné, Yésus tau muji randha sing nyumbang meskipun ora sugih. Wacanen Lukas 21:1-4, terus rembugen pertanyaan-pertanyaan iki:

Bèn Yéhuwah seneng, apa sumbangané kudu akèh?
Nèk awaké dhéwé réla pas nyumbang, piyé perasaané Yéhuwah lan Yésus?

Sumbangané dienggo apa? Setèlen VIDÉONÉ, terus rembugen pertanyaan iki:

VIDÉO: Sumbangan kanggo Yéhuwah (4:47)

Apa buktiné nèk sumbangan kuwi dienggo mbantu jemaat-jemaat sak donya?

4. Réla mbantu

Mbiyèn, umaté Yéhuwah ora mung seneng nyumbang, tapi ya berusaha bèn panggonané ngibadah tetep kopèn. Wacanen 2 Babad 34:9-11, terus rembugen pertanyaan iki:

Bèn panggonané ngibadah tetep kopèn, wong Israèl padha ngapa?

Seksi-Seksi Yéhuwah niru contoné bangsa Israèl. Setèlen VIDÉONÉ, terus rembugen pertanyaan-pertanyaan iki:

VIDÉO: Ngopèni Panggonan Ibadah (3:31)

Ngapa kok Balé Ibadah kudu terus resik lan kopèn?
Apa waé carané njenengan mbantu?

5. Sedulur lanang isa luwih akèh mbantu

Menurut Alkitab, sedulur-sedulur lanang isa luwih akèh mbantu ing jemaat. Contoné, setèlen VIDÉONÉ. Terus rembugen pertanyaan iki:

VIDÉO: Sedulur-Sedulur, Ngupayaa Penggawéan sing Utama (5:23)

Apa waé upayané Ryan bèn isa luwih akèh mbantu ing jemaat?

Ing Alkitab ana keterangan soal syarat-syaraté dadi abdiné jemaat lan pinituwa. Wacanen 1 Timotius 3:1-13, terus rembugen pertanyaan-pertanyaan iki:

Apa sing kudu diupayakké bèn dadi abdiné jemaat lan pinituwa?
Keluargané kudu piyé? —Deloken ayat 4 lan 11.
Nèk sedulur lanang berusaha memenuhi syarat-syarat kuwi, apa manfaaté kanggo para sedulur liyané?