Nof piipl tingk se dat a onggl wan jriim.

•   “Kaa piipl fiil se dem kola ar we dem kom fram mek dem beta dan sumadi els, it a kaaz aal kain-a prablem evridie iina aal paat a laif. An dat a wan a di riizn wa mek som piipl no diil wid ada piipl iina wan fier wie.”​—António Guterres, di man we inchaaj a di Yuunaitid Nieshan.

 So yu tingk di taim a-go kom wen evribadi a-go rispek dem wan aneda an chriit dem wan aneda di siem wie? Wa di Baibl av fi se bout dis?

 Di Baibl tel wi ou Gad chriit piipl no mata we dem kom fram.

•   “Gad mek wan man fos an aal di ada chraib a piipl iina di worl kom fram da wan man de.”​—Aks 17:26.

•   “Gad no paashal, bot enibadi, no mata wich konchri dem kom fram, ef dem worship im an aalwiez du we rait, im wi tek dem fi’im piipl.”​—Aks 10:34, 35.

 Di Baibl mek wi nuo se no mata wi kola ar we wi liv, di uol a wi kom fram wan man an Gad no paashal. Enibadi, no mata wich konchri dem kom fram, ef dem a worship im, im tek dem fi im piipl.

  Gad Kindom, we a wan govament we de a evn, a-go tiich piipl ou fi chriit dem wan aneda fier. An it a-go elp piipl fi no fiil laik dem beta dan nobadi kaaz a ou dem luk ar wich paat dem kom fram.

•   “Evribadi iina aal a di konchri dem [a-go] lorn ou fi du wa rait.”​—Aizaiya 26:9.

•   “Bikaa piipl a du wa rait, dem a-go liv iina piis; evribadi we de de a-go fiil sief, an dem gweehn av piis kyaahn don.”—Aizaiya 32:17.

 A uol iip a piipl a lorn fram di Baibl ou dem fi shuo ana an rispek wen dem a diil wid dem wan aneda.

•   Fi fain out muor bout dis, riid di Awake! we niem “Is There a Cure for Prejudice?”

•   Fi fain out ou di mada an faada dem kyan taak bout da prablem ya wid dem pikni dem, riid dis: “Talking to Children About Racism.”