ELP DEM FI TON JIIZAS FALARA
LESN 10
No Tap Elp Dem
Sitn We Yu Kyan Riizn Pan: “Wi neva did onggl waahn unu nuo bout di gud nyuuz, bot wi did glad fi du eniting wi kuda du fi elp unu tu—kaaz unu miin so moch tu wi.”—1 Tes. 2:8.
Wa Jiizas Did Du
1. Wach di VIDIYO, ar riid Jan 3:1, 2. Den ansa dem kwestiyan ya:
-
Wa mek Nikodiimos wuda did go taak tu Jiizas iina di nait?—Luk pan Jan 12:42, 43.
-
Wen Jiizas did miit op wid Nikodiimos iina di nait, ou Jiizas did shuo se im did wel waahn elp piipl fi ton im falara?
Wa Wi Lorn Fram Wa Jiizas Did Du?
2. Wi shuo se wi lov piipl wen wi du evriting we wi kyan du fi elp dem fi ton Jiizas falara.
Du Laik Wa Jiizas Did Du
3. Du di Baibl stodi wen dem waahn fi dwi’it an wich paat dem waahn fi dwi’it. Di sumadi mait-a av wan die ar wan taim wen dem wuda waahn fi du di stodi. Im mait-a waahn fi dwi’it wich paat im wok, a im yaad, ar somwe els. So langks yu kyan dwi’it, chienj op wa yu a du so dat yu kyan stodi wen dem waahn fi stodi.
4. Stodi aafn. Ef yu naa go de bout, di stodi kyan stil gwaan. Tingk bout ef yu kyan du dem ya:
5. Aks Jeuova fi elp yu tingk bout tingz di rait wie. Aks im fi elp yu fi gwaan du evriting we yu kyan du fi elp yu Baibl stodi, aal ef dem a fain it aad fi du di stodi aafn ar ef dem no kwik fi du wa di Baibl se dem fi du. (Fil. 2:13) Ef yu tingk bout it, a uol iip a gud wiez di sumadi av, so prie fi Jeuova elp yu fi gwaan tingk bout dem wiez de.
LUK PAN DEM YA TU
Pr. 3:27; Aks 20:35; 2 Kor. 12:15
