Libro a Naisangsangayan ti Epektona

AGSIPUD ta nagadu nga agtutubo ti mangtultulad iti uray ania lattan ken uso a panagkawkawes, makaay-ayo a kitaen no adda dagiti mangikagumaan nga agkawes a sitatakneng. Idiay Balykchy, a siudad ti Kyrgyzstan, a dati a republika ti Union Soviet, inkeddeng ti maysa a grupo dagiti agtutubo ti agparetrato bayat a sikakawesda iti kaasping dagiti nakitada iti akkub ti libro a Dagiti Saludsod nga Iyimtuod ti Agtutubo​—Dagiti Sungbat nga Epektibo. Napan dagiti agtutubo iti maysa a propesional a retratista ket kiniddawda kenkuana a retratuenna ida iti kaasping ti ladawan iti akkub ti libro. Ti naipakuyog a ladawan ti naalana a retrato.

Kalpasan ti pannakaretratoda, imbati dagiti agtutubo ti libro iti retratista. Saan unay nga interesado idi ta saan ngamin a mamati iti Biblia. Nupay kasta, idi nagsubli dagiti agtutubo iti studio sumagmamano nga aldaw kalpasanna tapno alaenda ti retrato, imbagana nga idi pay laeng a nakabasa iti kasta a libro iti intero a panagbiagna. Kinunana a pulos a dina impagarup a mangipaay ti Biblia iti kasta a praktikal a balakad isu a kayatna a maammuan ti ad-adu pay. Nagbanaganna, nangrugin nga agpayadal iti Biblia.

Mabalinmo met ti agkiddaw iti daytoy a libro a nadisenio a tumulong a nangnangruna kadagiti agtutubo a mangrisut iti parparikutda ita. Suratam laeng ti naipakuyog a kupon ken ibusonmo iti adres a makita iti kupon wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti libro a Dagiti Saludsod nga Iyimtuod ti Agtutubo​—Dagiti Sungbat nga Epektibo.

□ Interesadoak iti libre a panagadal iti Biblia.