Ọgbọ amonẹ duu atene ajọfẹ ku ma neke kẹdọno todu ọla-ma chẹ kpa ñwu am’ajọfẹ ọlemi ki ch’ọla-ma kate ma ma. Ili ọla ka ku ma gwa laale ef’ọdọ 2023 du ña kakini abo gọmẹnti kpai am’ajọfẹ ch’abo ka k’amonẹ ma n’ukẹdọno efu-ma n. a

 Baibul che kọla lugbo ojanẹ ka kpai Ajọfẹ ka k’a neke kẹdọno jalii, ki la ch’ẹnẹ ọkpakpa ki ma neke r’ọlemi n, ki ma la anya ch’uji n. Ojanẹ lẹ ch’Ojanẹ Ọjọ, ẹnẹ ki la ch’Ajọfẹ lẹ che Jisọs Kraist.—Aizaya 9:7.

 Jisọs du tejugede lefu amẹñwu ki che ẹgba ki def’ilẹ-i kak i akwula ñwu amonẹ nyọnyọ. (Matiu 9:35, 36) I dẹ pẹẹ, Jisọs ki ch’Onu Ojanẹ Ọjọ lẹ anya chẹñwu t’ọkpakpa, i la an’urẹdọ wa ñwu abo duu ku ma jẹ t’ọfe-wñ ubi.—Eli Ekọ D’Ọjọ 72:12-14.