Jisọs k’amonẹ ẹñwu lugbo Ojanẹ Ọjọ ki def’ojale. Jisọs ñọ kọ ma ku ma ch’adua k’odu Ọjọ ki na fọ, k’ojanẹ Ọjọ ki wa, k’unekwu Ọjọ ki che ef’ilẹ-i. Ichẹñwu k’ẹ ch’ata abẹk iye, ka ñwu ọma-wẹ ọna ki anẹr’u eju lugbo ẹñwu ki ch’ofe adua lẹ. Dagba ki Setan ch’ajama Jisọs, Jisọs jẹ b’uña tẹ ñwu n. I gwọnyu Jihofa kpaka. Jisọs chi amẹnukpuchẹ-wñ, ama-lẹ la ch’abo ejodudu ku ma ch’amọma Ojanẹ Ọjọ ki def’ojale. Jẹñwu ọma-wẹ ki li ọna ki Jisọs n’ẹdọ chacha ñwu arẹ ochochi jalii. Todu ki Jisọs añeju ech’atẹko amonẹ, ki la añọ tene eche, e-lẹ jẹñwu ki ch’ọga amonẹ kpa, ki k’ujẹñwu ñwu abo k’ebi akpa, i la ñọ k’abo ki kwu dajikwanẹ. Amẹñwu awuwu ki Jisọs che-i, d’amẹñwu k’Ojanẹ Ọjọ anya che ñwu amonẹ tejugede.