Ɔdā Nɛ Upɔlu Ya

UVIDIO: Upɔlu Ceyitikwu Ta Ācɛ Abɔ Ipu Ɛfesɔsi

1. Lɛ UVIDIO nyā mafu, amāŋ jé Úklɔ́ kú Ācotɛ̄hɔ̄ 19:​8-10. Cɛɛ a leyi yɛ aɔka nōo ba nyā:

1.    Ikɔkɔ nɛ Upɔlu gē kwu abɔ i ci ō tɔɔna eko nɛ ācɛ ōhī bɛyikwu ɔ a, ɛgɛnyá nɛ ó ceyitikwu ō je otabɔ lɛ ācɛ nōo mafu ka ɛlā a he uwa ɔtu a?

2.   Igbo ɛmula nɛ Upɔlu cigbihi gā ɛgiyi ācɛ nɛ ɛlā a he uwa ɔtu a, eko nyá nɛ ó kē ya lɛ a gā kwu a?

Ɔdi Nɛ Alɔ Nwu Ŋma Ɛgiyi Upɔlu A?

2. Alɔ cɛgbá eko mla ō ceyitikwu o ya ɛɛ ku alɔ ya ōcigbihi nyɔ klla gbɔɔ oklɔcɛ ku Ubáyíbu.

 Gbla Upɔlu Ya

3. Ceyitikwu ku a cigbihi gā ɛgiyi ɔcɛ ɔɔma eko nɛ ó he ɔ ɔtu a. Imi mla eko nyá nɛ ó géē dɔka ō kɔka mla um a?’ Le tutu ōcigbihi nyɔ i má ɔ naana nɛ ó tɔɔtɛ gā uwɔ ŋ ma.

4. Da ɔcɛ a ɔka ku eko nɛ a géē kɛla mla ɔ igbɔha a. Oŋmɛyi ku ɔka ō ka a ceyitikwu ku a le eko nɛ a géē kɛla mɛmla ɔ igbɔha a jé, ceyitikwu ku a cigbihi gā ɛgiyi nu eko mɛmla ɛga nɛ aa cɛtɔha a.

5. Lɛ eyiyoce. A hii gbɛla ka ɛlā i he ɔcɛ ɔtu ŋ ɔdaŋ ka ɔcɛ ɔɔma i gē yɔ ɔlɛ ŋ amāŋ ó gē lɔnɔ ɛɛ ku a má ɔ. (1 Ukɔ́r. 13:​4, 7) Ikɔkɔ ɔɔma, ceyitikwu ku a yɔ i dɔka ɔcɛ ɔɔma, amáŋ bi eko ku uwɔ le yuklɔ ɔwɛ ijeeyi.—1 Ukɔ́r. 9:26.