Ō GBƆƆ ƆKA Ō KA
ƐLĀ Ō NWU ƆMƐ 4
Bēē Ta Iyi Uwɔ Waajɛ
Ukɔ́: “Aá tá iyī aá wāajɛ ipú ɔdā dúú nɛ̄ aá gē yá lɛyíkwu ɔ́mpa aá ā, aá gbɛlá ojigógó ka ācɛ ɔhá ɔɔ́ yá ɔdā olɔhi fíyɛ́ aá á.”—Ufíl. 2:3.
Ɔdā Nu Upɔlu Ya
1. Lɛ UVIDIO nyā mafu, amāŋ jé Úklɔ́ kú Ācotɛ̄hɔ̄ 26:2, 3. Cɛɛ a leyi yɛ aɔka nōo ba nyā:
-
Ɛgɛnyá nɛ Upɔlu mafu ka ó ta iyi nu waajɛ ɔwɛ nɛ ó kɛla lɛ Ɔcɛ́ Agripa a?
-
Ɛgɛnyá nɛ Upɔlu bi ɔtu ku ācɛ gā ɛgiyi Ujehofa mɛmla Ɔkpiihɔ ikɔkɔ iyi nu a?—Má Úklɔ́ kú Ācotɛ̄hɔ̄ 26:22.
Ɔdi Nɛ Alɔ Nwu Ŋma Ɛgiyi Upɔlu A?
2. Ɛlā ku alɔ géē gā ipu ɔtu ku ācɛ ɔdaŋ ku alɔ ta iyi alɔ waajɛ klla kɛla ɔwɛ ojilima.
Gbla Upɔlu Ya
3. Kɛla ɔwɛ ojilima. A hii ya bɛɛka a jé ɛjɛɛji ɔdā doodu ɛɛ nɛ ɔcɛ ɔhá a i jé ɔdā duuma ŋ ma.
4. Lɛ ɔ teyi peee ku ɛlā nɛ a yɔ i nwu a ŋma ipu Ubáyíbu. Ɛlā ku Ɔwɔico gē lɛ abɔ kwu ɛgɛ nɛ ācɛ gē gbɛla klla gē ya odee lɛ a. Eko duuma nɛ alɔ bi ɔ le yuklɔ, alɔ yɔ i ya kéē kpɔtuce ɛlā nōo yɔ ipu Ubáyíbu a, ó wɛ ɛlā nɛ alɔ ka a ŋ.
5. Ya odee ɛmɛɛma. A hii ceyitikwu ō lɛ ɛlā teyi peee ku a le kpaakpa ŋ. Alɔ i dɔka ō taafu ŋ. Mafu ku a gē ta iyi uwɔ waajɛ ŋma lɛ ō yɔ cii mla ō jé eko nɛ a gē nyɛɛ ŋma abɔɔ. (Aíit. 17:14; Utáy. 3:2) Ɔdaŋ ku alɔ kɛla ɔwɛ ɛmɛɛma, ɔcɛ a lɔfu jahɔ tu olɛhɔ ku alɔ eko ɔhá gla.
