ԵՐԳ 23
Եհովան սկսում է թագավորել
-
1. Արքայությունը ծնվեց.
Յահն իր Որդուն թագադրեց.
Անկյունաքարն է իշխում Սիոնում։
Բարձր ձայնով գովերգենք
Եվ հրճվանքով լի՝ գոչենք.
«Տերը՝ Քրիստոսը,
Թագավոր է երկնքում»։
(ԿՐԿՆԵՐԳ)
Ի՞նչ կբերի Արքայությունը.
Արդարություն, ճշմարտություն։
Ի՞նչ կբերի Արքայությունը.
Հավերժություն, երջանկություն։
Անփոփոխ է Գերիշխանը.
Սերն ենք միշտ նրա գովում։
-
2. Ձի է հեծել մեր Արքան։
Մոտ է մեծ օրը այնքա՜ն.
Այս չար աշխարհն է շուտով անցնելու։
Եկ բոլորին քարոզենք
Եվ հեզերին որոնենք.
Ուսուցանենք՝
Մղվեն Աստծուն ծառայելու։
(ԿՐԿՆԵՐԳ)
Ի՞նչ կբերի Արքայությունը.
Արդարություն, ճշմարտություն։
Ի՞նչ կբերի Արքայությունը.
Հավերժություն, երջանկություն։
Անփոփոխ է Գերիշխանը.
Սերն ենք միշտ նրա գովում։
-
3. Մեր Արքային թագազարդ
Մենք ողջունում ենք հպարտ.
Միշտ ենթարկվում ենք Աստծու Օծյալին։
Հոր մեծ տաճարը մտնենք
Եվ սուրբ Յահին հաճեցնենք։
Ժամն է գալիս՝
Որդին տիրի ամբողջ երկրին։
(ԿՐԿՆԵՐԳ)
Ի՞նչ կբերի Արքայությունը.
Արդարություն, ճշմարտություն։
Ի՞նչ կբերի Արքայությունը.
Հավերժություն, երջանկություն։
Անփոփոխ է Գերիշխանը.
Սերն ենք միշտ նրա գովում։
(Տես նաև 2 Սամ. 7։22; Դան. 2։44; Հայտն. 7։15)
