Baibel amo Do Oi Dibaia Gaudia
Inai buka ese matamana negana amo idia vara gaudia oi dekenai do ia hadibaia, Baibel sivarai havaraia gaudia amo, ia lao Iesu ena vara bona ena haroro, ela bona Basileia ena mai.
Revareva ta Hakaua Oreana Amo
Edena dala ai inai buka do ita gaukaralaia?
LESENI 1
Dirava ese Guba Bona Tanobada Ia Karaia
Baibel ia gwau Dirava ese guba bona tanobada ia karaia. Dirava ese gau ibounai ia do havaraia lasi neganai, dahaka dainai aneru ta ia havaraia guna?
LESENI 2
Dirava ese Tau Bona Hahine Ginigunana Ia Karaia
Dirava ese tau bona hahine ginigunana ia havaraia bona Eden umana ai ia atodia. Ia ura idia ese famili idia havaraia bona tanobada ibounai be paradaiso ai idia halaoa.
LESENI 3
Adamu Bona Heva ese Dirava Idia Kamonai Henia Lasi
Eden umana ai edena au be au ibounai amo ai idau? Dahaka dainai Heva be unai au ena huahua ia ania?
LESENI 4
Badu Dainai Ia Alaia Mase
Dirava ese Abela ena boubou gauna ia abia dae to Kaino ena ia abia dae lasi. Kaino ese unai ia diba neganai, ia badu bona kara dikana ia karaia.
LESENI 5
Noa Ena Bouti
Aneru dikadia be tanobada hahinedia idia adavaia, bona edia natudia be tau badadia bona dagedage taudia ai idia lao. Dagedage karadia be ia bada. To Noa be idau—Dirava ia lalokau henia bona badinaia.
LESENI 6
Taunimanima 8 Idia Roho Mauri
Dina 40 bona hanuaboi 40 ena medu ese abata ia havaraia. Lagani ta mai kahana bamona, Noa bona ena famili be bouti lalonai idia noho. Bena, bouti amo idia raka-lasi.
LESENI 7
Babela Kohorona
Taunimanima haida ese siti ta mai ena kohoro idia haginia, unai kohoro be ia daekau ela bona guba. Dahaka dainai Dirava ese edia gado ia haidaua?
LESENI 8
Aberahamo Bona Sara ese Dirava Idia Kamonai Henia
Dahaka dainai Aberahamo bona Sara be Uru siti ai edia ruma namona idia rakatania bona Kanana tanona dekenai idia noho loaloa?
LESENI 9
Natuna ta Ia Vara!
Edena dala ai Dirava ena gwauhamata Aberahamo dekenai do ia guguru? Daika amo do ia guguru, Isako o Isamaela?
LESENI 10
Lota Ena Adavana Umui Laloatao
Dirava ese lahi bona salipa be Sodoma bona Gomora latanai ia hadihoa. Dahaka dainai unai siti ia hadikaia? Dahaka dainai Lota ena adavana ita laloatao be namo?
LESENI 11
Abidadama Ia Tohoa
Dirava ese Aberahamo ia hamaoroa ‘Mani emu natuna mero tamona oi abia bona Moraia ena ororo ta dekenai ia oi bouboulaia.’ Edena dala ai unai ese Aberahamo ena abidadama ia tohoa?
LESENI 12
Iakobo ese Ahuna Ia Abia
Isako bona Rebeka edia natudia be hekapa, Esau bona Iakobo. Esau ia vara guna bona ia ese vara guna natuna ena ahuna do ia abia. Dahaka dainai supu totona unai ia henia?
LESENI 13
Iakobo Bona Esau be Maino Idia Karaia
Edena dala ai Iakobo ese aneru ta amo hahenamo ia abia? Bona edena dala ai Esau ida maino ia karaia?
LESENI 14
Dirava Ia Badinaia Igui Hesiai Tauna
Iosepa be kara maorona ia karaia, to dika idauidau ia davaria. Dahaka dainai?
LESENI 15
Iehova ese Iosepa Ia Laloaboio Lasi
Ena be Iosepa be ena famili amo ia daudau, to Dirava ia hamomokania ia be ia ida ia noho.
LESENI 17
Mose Ia Ura Iehova Ia Tomadiho Henia
Mose be beibi neganai, iena sinana ese aonega dalanai ia hamauria.
LESENI 19
Hisihisi Ginigunadia Toi
Farao ese ena taunimanima dekenai dika ia havaraia badina ia hekokoroku, ia ura lasi hereva ia kamonai.
LESENI 21
Hisihisi Namba 10
Inai hisihisi namba 10 ese dika bada ia havaraia dainai hekokoroku tauna Farao be Israela taudia ia koua diba lasi.
LESENI 22
Davara Kakakakana ai ia Vara Hoa Karana
Farao be hisihisi 10 amo ia roho mauri, to Dirava ena hoa karana amo ia roho mauri, a?
LESENI 23
Iehova Dekenai Idia Gwauhamata
Israela taudia be Sinai Ororona dekenai idia kamepa neganai, Dirava dekenai mai anina bada gwauhamatana idia karaia.
LESENI 24
Edia Gwauhamata Idia Badinaia Lasi
Mose be Taravatu 10 ia abia noho neganai, taunimanima be kara dika badana idia karaia.
LESENI 26
Spai Taudia 12
Iosua bona Kaleba be Kanana tanona spai totona idia lao tatau 10 amo idia idau.
LESENI 27
Iehova Dekenai Idia Gwau-Edeede
Kora, Datana, Abirama, bona tatau 250 be Iehova ese ia karaia noho gaudia idia abia dae lasi.
LESENI 28
Balama Ena Doniki Ia Hereva
Balama ena doniki ese ia itaia tauna be Balama ese ia itaia lasi.
LESENI 29
Iehova ese Iosua Ia Abia Hidi
Dirava ese Iosua dekenai ia henia hakaua herevadia be hari inai negai ita ia durua diba.
LESENI 30
Rahaba ese Spai Taudia Ia Hunia
Ieriko ena magu ia moru. To Rahaba ena ruma, magu ena kahana ta ai ia noho be ia moru lasi.
LESENI 31
Iosua Bona Gibeona Taudia
Iosua be Dirava dekenai ia guriguri: ‘Dina e, oi gini noho!’ Dirava ia haere, a?
LESENI 32
Gunalaia Tauna Matamata Bona Gari Lasi Hahine Rua
Iosua ia mase murinai, kaivakuku tomadiho henia karana idia matamaia. Mauri ia auka, to heduru be Hahemaoro Tauna Baraki, peroveta hahine Debora, bona Iaela mai ena palai ikoko amo ia abia!
LESENI 33
Ruta Bona Naomi
Hahine rua edia adavadia idia mase, bona Israela dekenai idia giroa lou. Ruta be uma gabu dekenai ia gaukara, unuseniai Boasi ese ia itaia.
LESENI 34
Gideona ese Midiana Taudia Ia Halusia
Midiana taudia ese Israela taudia edia mauri idia ha-aukaia murinai, taunimanima ese heduru totona Iehova dekenai idia noinoi. Edena dala ai Gideona ena tuari orea maragina ese tuari taudia 135,000 idia halusia?
LESENI 35
Hana be Natuna Mero Totona Ia Guriguri
Elikana ese tomadiho totona Hana, Penina bona ena natudia ia abidia lao Silo dekenai. Unuseniai, Hana be natuna mero ta totona ia guriguri. Lagani ta murinai, Samuela ia vara!
LESENI 36
Iapeta Ena Gwauhamata
Iapeta be dahaka gwauhamata ia karaia, bona dahaka dainai? Iapeta ena natuna kekeni be tamana ena gwauhamata dekenai dahaka ia karaia?
LESENI 37
Iehova ese Samuela Ia Hereva Henia
Hahelaga Tauna Badana Eli ena natudia memero rua be palai dubu ai hahelaga gaukara idia karaia, to Dirava ena taravatu idia badinaia lasi. To mero matamata Samuela be idau. Hanuaboi ta ai, Iehova be Samuela dekenai ia hereva.
LESENI 38
Iehova ese Samson Dekenai Goada Ia Henia
Dirava ese Samson dekenai goada ia henia Filistia taudia ia tuari henia totona, to Samson be disisen kererena ia karaia neganai, Filistia taudia ese ia idia dogoatao.
LESENI 39
Israela Ena King Ginigunana
Dirava ese Israela taudia dekenai hahemaoro taudia ia henia, idia gunalaia totona, to king idia ura. Saulo be Samuela ese ia horoa king ginigunana, to gabeai Iehova ese Saulo ia dadaraia. Dahaka dainai?
LESENI 40
Davida Bona Goliata
Iehova ese Davida ia abia hidi Israela ena king ai ia lao totona, bona Davida ia hahedinaraia ia be abia hidi maorona.
LESENI 41
Davida Bona Saulo
Dahaka dainai inai tatau ibounai amo ta ese ma ta ia inai henia, bona inai henia tauna be dahaka ia karaia?
LESENI 42
Ionatana Ia Gari Lasi Bona Badinaia Karana Ia Hahedinaraia
King ena natuna mero be Davida ena tura namona ai ia lao.
LESENI 44
Dubu Helaga ta Iehova Totona
Dirava ese King Solomona ena noinoi ia abia dae bona hahenamo ma haida ia henia.
LESENI 49
Kwini Dikana be Panisi Ia Abia
Iesebele be Israela tauna Naboto ena vain uma henaoa totona koikoi dalanai palani ia karaia! Iena kara koikoi bona kara gageva be Iehova Dirava ese ia itaia.
LESENI 50
Iehova ese Iehosapata Ia Gimaia
Iuda taudia be edia inai taudia ese idia hagaria neganai, King namona Iehosapata be heduru totona Dirava dekenai ia guriguri.
LESENI 51
Tuari Tauna Bona Kekeni Maragina
Israela kekeni ese iena biaguna hahine dekenai Iehova ena siahu bada ia herevalaia—hoa gaudia idia vara.
LESENI 52
Iehova Ena Tuari Orea Badana
Elisaia ena hesiai tauna ia itaia, ‘iseda durua taudia be momo, to idia be momo lasi.’
LESENI 53
Iehoiada Ena Gari Lasi Karana
Abidadama hahelaga tauna be kwini dika dekenai ia gari lasi.
LESENI 54
Iehova be Iona Dekenai Ia Haheauka
Dahaka dainai Dirava ena peroveta tauna be gwarume badana ese ia hadonoa? Edena dala ai ia raka-lasi? Iehova ese ia dekenai dahaka ia hadibaia?
LESENI 55
Iehova Ena Aneru ese Hesekaia Ia Gimaia
Iuda idia inai henia taudia idia gwau, Iehova ese ena taunimanima do ia gimadia lasi, to idia kerere!
LESENI 56
Iosaia ese Dirava Ena Taravatu Ia Lalokau Henia
Iosaia ena mauri lagani be 8 neganai, Iuda ena king ai ia lao, bona ena taunimanima ia durua Iehova idia tomadiho henia totona.
LESENI 57
Iehova ese Ieremia Ia Siaia Haroro Totona
Peroveta tauna matamata ese ia gwauraia herevana be Iuda tau badadia ia habadua.
LESENI 58
Ierusalema Idia Hadikaia
Iuda taudia be dirava koikoidia idia tomadiho henia noho dainai Iehova ese ia rakatanidia.
LESENI 59
Iehova Idia Badinaia Memero 4
Iuda matamata taudia be edia lalona idia hadaia Iehova do idia abidadama henia noho, Nebukanesa ena ruma Babulonia ai idia noho neganai danu.
LESENI 61
Idia Goru Diho Lasi
Sataraka, Misaka, bona Abetenigo be Babulonia ena king ena golo kaivakuku tomadiho henia karana idia dadaraia.
LESENI 62
Basileia be Au Badana Bamona
Nebukanesa ena nihi ese vaira nega ai ia dekenai do ia vara gauna ia hadibaia.
LESENI 63
Haba Dekenai ia Noho Toretore
Edena nega ai toretore ta be hoa dalanai ia hedinarai bona ena anina be dahaka?
LESENI 65
Eseta ese Ena Taunimanima Ia Hamauria
Eseta be idau tano hahine, bona tama sina lasi maurina ai ia tubu daekau, bona kwini ai ia lao.
LESENI 66
Esera be Dirava Ena Taravatu Ia Hadibaia
Israela taudia be Esera idia kamonai henia murinai, Dirava dekenai mai anina bada gwauhamatana idia karaia.
LESENI 67
Ierusalema Ena Magu
Nehemia ia diba ena inai taudia ese idia do ia tuari henia. Dahaka dainai ia gari lasi?
LESENI 68
Elisabeta be mai Ena Beibi
Dahaka dainai Elisabeta ena adavana be do ia hereva diba lasi ela bona beibi ia vara?
LESENI 69
Gabriela ese Maria Ia Vadivadi Henia
Aneru ese Maria dekenai ia henia sivarai be ena mauri ia haidaua.
LESENI 70
Aneru ese Iesu Ena Vara Idia Hadibaia
Hadibaia hereva idia kamonai mamoe naria taudia be karaharaga idia lao.
LESENI 72
Mero Matamata Iesu
Dahaka ia karaia dainai dubu helaga ai idia noho hahediba taudia idia hoa?
LESENI 73
Ioane be Dala Ia Hegaegaelaia
Ia tubu daekau peroveta tauna ai ia lao. Mesia ena mai ia hadibaia. Taunimanima be unai hereva dekenai dahaka idia karaia?
LESENI 74
Iesu be Mesia ai Ia Lao
Ioane ia gwau Iesu be Dirava ena Mamoe Natuna, ena anina be dahaka?
LESENI 75
Diabolo ese Iesu Ia Tohoa
Diabolo ese Iesu ia tohoa. Hahetoho toi be dahaka? Iesu be edena bamona ia haere?
LESENI 76
Iesu ese Dubu Helaga Ia Hagoevaia
Dahaka dainai Iesu ese varo amo kwadia gauna ta ia karaia bona animal be dubu helaga amo ia lulua, bona moni senisia taudia edia teibolo ia hagirodia?
LESENI 77
Hahine ta be Ranu Guri Badinai
Iakobo ena ranu guri badinai ia noho Samaria hahine ia hoa, badina Iesu ese ia hereva henia. Dahaka dainai? Iesu ese ia dekenai dahaka hereva ia gwauraia, to ma haida dekenai unai ia gwauraia lasi?
LESENI 78
Iesu be Basileia Ena Sivarai Ia Harorolaia
Iesu ese iena hahediba taudia haida ia boiridia ‘taunimanima haoda henia taudia’ ai idia lao totona. Gabeai, ena murinai idia raka taudia 70 ia hadibaia sivarai namona idia harorolaia totona.
LESENI 79
Iesu be Hoa Karadia Momo Ia Karaia
Iesu ia lao gabudia ibounai dekenai, gorere taudia idia mai bona edia gorere ia hanamoa. Danu kekeni maragina ia mase, to ia hamauria.
LESENI 80
Iesu ese Aposetolo 12 Ia Abia Hidi
Dahaka totona idia ia abia hidi? Edia ladadia oi laloatao, a?
LESENI 82
Iesu be Hahediba Taudia Dekenai Guriguri Dalana Ia Hadibaia
Iesu ese ena hahediba taudia ia hamaoroa, dahaka gaudia totona idia noinoi noho be namo?
LESENI 83
Iesu ese Tausen Momo Ia Ubua
Unai hoa karana amo ita ese Iehova bona Iesu dekenai dahaka ita dibaia?
LESENI 84
Iesu be Ranu Latanai Ia Raka
Aposetolo taudia be inai hoa karana idia itaia neganai, edia hemami mani oi laloa.
LESENI 85
Iesu ese Sabati ai Gorere Ia Hanamoa
Dahaka dainai ibounai be ia karaia karana dekenai idia moale lasi?
LESENI 86
Iesu ese Lasaro Ia Hatorea Isi Lou
Iesu ia itaia Maria ia tai neganai, ia danu ia tai matamaia. To edia taitai be moale gauna ai ia lao.
LESENI 87
Iesu Ena Anibou Ginigabena
Iesu be edia anibou ginigabena ai ena aposetolo taudia dekenai mai anina bada hakaua hereva ia henidia.
LESENI 88
Iesu Idia Arest
Iuda Iskariote ese hutuma ia hakaua lao mai edia tuari kaia bona au, Iesu idia arest totona.
LESENI 89
Petero Ia Gwau Iesu Ia Diba Lasi
Kaiapa ena ruma ena ariara dekenai dahaka ia vara? Bona ruma lalonai Iesu dekenai dahaka ia vara?
LESENI 91
Iesu Ia Toreisi Lou
Iesu idia hamasea murinai, dina haida lalonai dahaka hoa gaudia idia vara?
LESENI 92
Iesu be Haoda Tatau Dekenai Ia Hedinarai
Iesu be dahaka ia karaia, unai amo ia do idia diba?
LESENI 93
Iesu Ia Giroa Lou Guba Dekenai
Unai do ia karaia lasi neganai, ena hahediba taudia dekenai mai anina bada hahegani ia henia.
LESENI 95
Gau ta ese Idia ia Koua Diba Lasi
Iesu idia hamasea dubu gunalaia taudia be hari idia ura ena hahediba taudia idia koua. To idia hegeregere lasi.
LESENI 96
Iesu ese Saulo Ia Abia Hidi
Saulo be Keristani taudia ia dagedage tauna, to unai do ia idau.
LESENI 97
Korenelio ese Lauma Helaga Ia Abia
Dahaka dainai Dirava ese Petero ia siaia Korenelio ena ruma dekenai, ena be ia be Iuda tauna lasi?
LESENI 98
Keristani Tomadiho be Gabu Momo Dekenai Ia Lao
Aposetolo Paulo bona misinari gaukara ai ia idia bamoa taudia be gabu daudau dekenai haroro gaukara idia karaia.
LESENI 99
Dibura Ruma Naria Tauna be Dirava Ia Dibaia
Dahaka dainai inai sivarai ese demoni, tano marere badana, bona tuari kaia herevalaia?
LESENI 100
Paulo Bona Timoteo
Tatau rua be lagani momo lalonai tura namodia bamona hesiai gaukara idia karaia hebou.
LESENI 101
Paulo be Roma Dekenai Idia Siaia Lao
Laolao be mai ena dika idauidau, to Paulo ia hesiku lasi.
LESENI 102
Ioane Ena Matahanai
Iesu ese vaira negana totona Ioane dekenai matahanai idauidau ia hahedinaraia.
LESENI 103
“Oiemu Basileia Ia Mai be Namo”
Ioane ena matahanai be Dirava ena Basileia ese tanobada ai mauri do ia hanamoa dalana ia hahedinaraia.
