“Gub-on Bala sang mga Tawo ang Duta?”

● Kon tan-awon halin sa kahawaan, ang planeta nga Duta daw asul kag puti nga hiyas. Pero kon tan-awon gid ini sing maayo, guba na ini. Ngaa? Simple lang ang sabat: Ang mga tawo indi gid maayo nga pumuluyo. Ginaguba nila ang duta paagi sa polusyon, pag-abuso, kag pagkalbo sa kagulangan. Ginpalain man nila ang moral kag espirituwal nga kahimtangan sang duta paagi sa pagpamintas, pagpamatay, kag imoralidad.

Ini nga kahimtangan gintagna sa Biblia mga duha ka libo ka tuig na ang nagligad. (2 Timoteo 3:1-5; Bugna 11:18) Gintagna man sang Biblia nga ang Dios, indi ang tawo, ang magatadlong sini. Ining importante nga mga topiko binagbinagon sa pamulongpulong nga “Gub-on Bala sang mga Tawo ang Duta?” sa ‘Magkari ang Ginharian sang Dios!’ nga Distrito nga Kombension sang mga Saksi ni Jehova. Nagsugod ini sang Mayo sa Estados Unidos kag padayon ini nga ginahiwat sa bilog nga kalibutan.

Ginaimbitar ka nga magtambong sa kombension nga pinakamalapit sa imo. Para sa mga detalye, palihug kontaka ang mga Saksi ni Jehova sa inyo lugar ukon magsulat sa manugbalhag sini nga magasin. Makita sa Web site nga www.jw.org ang listahan sang mga lugar sang kombension sa Pilipinas.