Be Hiẹ Yọnẹn Ya?
Nawẹ núlisé lẹ nọ yin yiyizan gbọn to hohowhenu?
Núlisé lẹ nọ yin yiyizan nado lì likun bo yí linfin lọ do basi akla. Nulili to núlisé mọnkọtọn lẹ ji yin azọ́n de he yọnnu whési lẹ kavi deviyọnnu lẹ nọ wà egbesọegbesọ diblayin to owhé lẹpo gbè. Nudidọ nulili tọn nọ saba yin sisè to nuwiwa egbesọegbesọ tọn mẹ to hohowhenu.
Yẹdide Egipti hohowhenu tọn delẹ do lehe núlisé nọ yin yiyizan do hia. Núlisé lọ nọ yin zize mlọnai podọ likun lọ nọ yin bibẹ do e ji. Nulitọ́ lọ nọ jẹklo to osé lọ nukọn bo nọ yí alọ etọn awe lẹ do hẹn osé pẹvi kavi sénukọnvi de he e nọ to dindọn gbọn nukunmẹ osé lọ tọn ji yì nukọn podọ yì godo nado lì likun lọ. Sọgbe hẹ owe dodinnanu tọn de, sénukọnvi mọnkọtọn lẹ nọ pẹ̀n sọ kilo 2 yì 4. Eyin yè yìn osé mọnkọtọn do mẹde, e sọgan hù mẹlọ.—Whẹdatọ 9:50-54.
Likun lìlì yin dandannu na dagbemẹninọ whẹndo lẹ tọn sọmọ bọ osẹ́n de to Biblu mẹ jẹagọdo dọ mẹde ma dona yí núlisé mẹdevo tọn taidi afàsúnú. Deutelonomi 24:6 dọmọ: ‘Mẹdepope ma na yí osé kavi sénukọnvi sọn mẹde si taidi afàsúnú gba, na enẹ na zẹẹmẹdo ogbẹ̀ mẹlọ tọn yíyí taidi afàsúnú.’
Etẹwẹ hodidọ lọ “to akọ́nnu” to alọdlẹndo?
Biblu dọ dọ Jesu “tin to akọ́nnu Otọ́ tọn.” (Johanu 1:18) Hodidọ ehe to alọdlẹndo haṣinṣan vonọtaun he Jesu tindo hẹ Jiwheyẹwhe po nukundagbe vonọtaun etọn he e tindo po. Hogbe ehelẹ do aṣa he Ju lẹ nọ hodo to whenue yé to núdù hia.
To azán Jesu tọn gbè, Ju lẹ nọ dẹ́ do awà dopo ji to oján he gblo taidi akanma lẹ mẹ, ehe nọ yin tito lẹdo tafo núdùdù tọn lọ. Dopodopo mẹhe wá nado dùnú lẹ tọn nọ ze awàgo yetọn amiyọn tọn do kọ̀donu de ji bo nọ dẹ́ hlan fie tafo lọ te, bosọ nọ dlẹn afọ yetọn hlan fidevo. Aisinsin do mọ nọ zọ́n bọ awà yetọn adusi tọn nọ vò. Owe dodinnanu tọn de basi zẹẹmẹ dọ, na mẹhe to núdù lọ lẹpo nọ sinai debọdo-dego bo nọ dẹ́ do awà yetọn amiyọn tọn ji wutu, “ota mẹde tọn nọ sẹpọ akọ́nnu mẹhe to godona ẹn tọn, bọ gbọnmọ dali yè sọgan dọ dọ mẹlọ tin ‘to akọ́nnu’ mẹhe to godona ẹn tọn.”
Nado tin to akọ́nnu tatọ́ whẹndo tọn de tọn kavi mẹhe wleawuna hùnwhẹ de tọn nọ yin pinpọnhlan taidi yẹyi kavi lẹblanulọkẹyi de. Enẹwutu, to Juwayi godo tọn he Jesu basi whenu, “devi lọ he Jesu yiwanna,” yèdọ apọsteli Johanu wẹ tin to akọ́nnu Jesu tọn. Abajọ, Johanu sọgan ‘dẹ́ yì godo hlan akọ́nnu Jesu’ tọn nado kàn kanbiọ de sè e.—Johanu 13:23-25; 21:20.
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Be Hiẹ Yọnẹn Ya?—février 2022
Naegbọn Islaelivi hohowhenu tọn lẹ nọ na asigbàn?
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Be Hiẹ Yọnẹn Ya?—février 2022
Naegbọn e do yọ́n dọ Jehovah na dotẹnmẹ Islaelivi lẹ nado na owhlé kavi awhànnẹ taidi avọ́nunina?
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Be Hiẹ Yọnẹn Ya?—Mars 2020
Gbọnvona Biblu, kunnudenu devo tẹlẹ wẹ tin dọ Islaelivi lẹ yin kanlinmọ to Egipti?
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Be Hiẹ Yọnẹn Ya?—novembre 2019
Etẹwẹ yin azọngban họ̀nkọnsi lẹ tọn to ojlẹ Biblu tọn mẹ?
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Be Hiẹ Yọnẹn Ya?—avril 2019
To hohowhenu, nawẹ gbejizọnlinzintọ de nọ basi tito bato-dido tọn gbọn?
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Be Hiẹ Yọnẹn Ya?—Février 2019
Etẹwẹ yin otàn sinagọgu tọn?
