KANBIỌ 6
Dọdai Tẹlẹ Wẹ Biblu dọ Gando Mẹsia lọ Go?
DỌDAI
“Hiẹ, Bẹtlẹhẹm Eflata E, . . . hiẹ mẹ wẹ mẹhe na dugán to Islaeli na tọ́n sọn na mi.”
HẸNDI
“To whenuena Jesu ko yin jiji to Bẹtlẹhẹm Jude tọn to azán Hẹlọdi ahọlu lọ tọn lẹ gbè godo, pọ́n! sunwhlẹvu-pọntọ lẹ sọn Whèzẹtẹn-waji wá Jelusalẹm.”
DỌDAI
“Yé má awù ṣie lẹ to yede ṣẹnṣẹn, yé sọ de ovò do avọ̀ ṣie lẹ ji.”
HẸNDI
“Todin, whenue awhànfuntọ lẹ ko whè Jesu do pòtin go, yé yí awugbó etọn lẹ bo má do ẹnẹ, . . . Ṣigba, awù odò tọn lọ ma tindo titọ̀tẹn de, na e yin linlọ̀n sọn aga wá odò. Enẹwutu, yé dọna ode awetọ dọmọ: ‘Mì gbọ mí ni ma tlẹ́n ẹn blo, ṣigba mì gbọ mí ni de ovò nado yọ́n mẹhe tọn e na yin.’”
DỌDAI
“Ewọ nọ to hihọ́-basina ohú etọn lẹpo; depope to yé mẹ ma yin gbigbà.”
HẸNDI
“Yé wá Jesu dè bo mọdọ e ko kú, enẹwutu yé ma wẹ́n afọ etọn lẹ.”
DỌDAI
“Yè sọnú in na sẹ́nhẹngba mítọn wutu.”
HẸNDI
“Dopo to awhànfuntọ lọ lẹ mẹ sọ́ owhán adà mẹ na ẹn, podọ to afọdopolọji ohùn po osin po tọ́njẹgbonu.”
DỌDAI
“Yé . . . sú azọ́nkuẹ ṣie mi, yèdọ fataka-kuẹ 30.”
HẸNDI
“Enẹgodo, dopo to Omẹ Wiawe lẹ mẹ, he nọ yin Juda Iskaliọti, yì yẹwhenọgán lẹ dè bo dọmọ: ‘Etẹwẹ mì na na mi na yẹn nido de e hia na mì?’ Yé kọngbedopọ hẹ ẹ do fataka-kuẹ 30 ji.”
