TAIRARI 159
Pemee mbaemboete Jehová pe
1. ¿Kia pa nde rami cheTumpa?
Nde ara ɨvate reï vae
¡Kërai chepuere amboepɨ!
Opaete cheraɨu vae re.
Amae yave ndeara re
aecha ndembaemboete ko.
Añemomichi ko Tumpa
chembopɨakatu vae re.
(CORO)
¡Oh Jehová, atairarita ko!
Eyeapɨsaka mi,
cheTumpa jare cheruvicha nde
Romboete aveita ko,
mbaemboete ndeveño ko
2. Oh Jehová, cherekove
añave amee ma ndeve,
yerovia reve jaeta
nderape ikavigüe re.
Ayapo yave rere vae
chembopɨakatu yae,
nde ko cheangarekoa
nde chemomɨ̈rata avei.
(CORO)
¡Oh Jehová, atairarita ko!
Eyeapɨsaka mi,
cheTumpa jare cheruvicha nde.
Romboete aveita ko,
mbaemboete ndeveño ko
3. Aecha yave opaete
nderembiapo reta,
chembopɨakañɨ yaete
remee cheve ndeporoaɨu.
Ndembaepuere yae ko
jare ikavi cheve,
che amboete aveita
amae reyapo vae re
(CORO)
¡Oh Jehová, atairarita ko!
Eyeapɨsaka mi,
cheTumpa jare cheruvicha nde.
Romboete aveita ko,
mbaemboete ndeveño ko
(Emae vi Sl 96:1-10; 148:3, 7.)
