Heta oĩ oimoʼãva Ñandejára ogovernaha ko múndo. Péro oiméramo siérto upéva, ¿mbaʼérepa upéicharõ oĩ hetaite sufrimiénto? (Deuteronomio 32:4, 5.) La Biblia ohechauka porã ñandéve ko múndo tuichakue oĩha Satanás poguýpe. (Elee 1 Juan 5:19.)

¿Mbaʼéicha rupípa Satanás ou ogoverna ko múndo? Satanás ningo peteĩ ánhel vaʼekue, ha ojejapo riremi yvyporakuérape haʼe opuʼã Ñandejárare ha ogueraha avei hapykuéri Adán ha Évape (Génesis 3:1-6). Haʼekuéra ohendu pe ánhel añáme ha oheja haʼe ogoverna chupekuéra. Ñandejára ningo pe Mburuvicha Guasu ijojahaʼỹva ha haʼe añoite oreko derécho ñanegovernávo, péro haʼe oipota umi hénte ohayhúgui chupe oñemoĩ ipoguýpe (Deuteronomio 6:6; 30:16, 19). Ñambyasýramo jepe, heta hénte oheja Satanás ombotavy chupekuéra ha odesidi vai, ojapo haguéicha Adán ha Eva. (Elee Apocalipsis 12:9.)

¿Ohejátapa Ñandejára Satanáspe ogoverna opa árare? ¡Ni mbaʼevéicharõ! Jesús rupive, Ñandejára oipeʼapaitéta opa mbaʼe vai ojapóva Satanás. (Elee 1 Juan 3:8.)

Ñandejára omeʼẽma podér Jesúspe ohundi hag̃ua Satanáspe (Romanos 16:20). Upe rire Ñandejára ogoverna jeýta ko yvy ha ikatúta jaiko vyʼa ha pyʼaguapýpe, haʼe oipota haguéicha voi iñepyrũme. (Elee Apocalipsis 21:3-5.)