Koʼã ára pahápe ningo hetaiterei provléma oĩ, ha hiʼag̃uivévo ohóvo pe fin katu ivaivéta la situasión. Upévare sapyʼánte ipoʼíta la pióla ha ikatu jahasa nesesida (Hab 3:16-18). ¿Mbaʼépa ñanepytyvõta ani hag̃ua ñañekevrantaiterei jareko jave provléma ekonómiko? Jasegi vaʼerã ñakonfia Jehováre. Haʼe opromete kuri okuidataha isiervokuérare ha ikatu omeʼẽ ñandéve la ñaikotevẽva oimehaichagua situasiónpe (Sl 37:18, 19; Heb 13:5, 6).

Mbaʼépa ikatu jajapo:

• Jajerure asy Jehovápe ñandegia, ñanemoarandu ha ñanepytyvõ hag̃ua (Sl 62:8).

• Jaasepta umi traváho ojeofreséva ñandéve, nañambaʼapóirõ jepe anteve upévape (g-S 1/10 8, 9, rrekuadrokuéra).

• Jasegi ñañemoag̃ui Jehováre, upearã jalee káda día la Biblia, japredika ha ani jafalta rreunionhápe.

EHECHA PE VIDÉO ÑAIPYTYVÕKENA ÑANE FAMÍLIAPE OAGUANTA HAG̃UA: ÑAÑEKONTENTA UMI MBAʼE JAREKÓVARE, HA UPÉI ERRESPONDE KOʼÃ PORANDU:

• ¿Mbaʼe situasiónrepa ohasa umi família?

• ¿Mbaʼépa la iñimportantevéva?

• ¿Mbaʼéichapa ikatu ñaipytyvõ umi orekóvape provléma ekonómiko?