ODHEAI 47
Bautizm Gheunk Tumi Toiar Asat Kai?
Atam poriant tumi Jehova vixim zaitem xikleant astolim ani tumi jivitant zaite bodlav-ui keleat astole. Punn thoddea oddchonneank lagon tumi somorponn korunk ani bautizm gheunk fattim sortat astolim. Tor, hea oddchonneancho fuddo korun bautizm gheunk tumkam koxi modot zaunk xokta tem ami hea odheai-ant xiktolim.
1. Bautizm gheunchea poilim tumkam kitem khobor asonk zai?
Bautizm gheunk tumkam “sotachem khorem ginean” asop khub gorjechem. (1 Timotak 2:4) Hacho orth, lok vichartat tea soglea prosnanche zobab tumi zannam zaunkuch zai oxem na. Karonn bautizm gheun zaitim vorsam zaleant, tim pasun Bible-a vixim xikot asat. (Koloskarank 1:9, 10) Punn gorjechem mhunnttlear, bautizm gheunk amkam Bible-antlim mullavim sotam khobor asonk zai. Him amkam khobor asat vo na tem zannam zaunk sobhentle vhoddil amkam modot korunk xoktat.
2. Bautizm gheunk tumi khoinchim pavlam gheunk zai?
Bautizm gheunchea poilim tumi adim keleant tim patkam vollkhon gheunk zai ani Jehova lagim bhogsonnem magonk zai. Toxench, Jehovak kitem manvona tem tumi korchimnant, punn taka manvota tench kortolim mhunn nichov korunk zai. Karonn Bible sangta: “Poschatap korat ani porot ieiat.” (Itihas 3:19 vachat.) Tea bhair, tumi mittingek hajir zaunk zai ani sobhentlea bhav-bhoinnam sangata porgottnnent bhag gheunk zai.
3. Bautizm gheunk tumi kiteak bhieun fattim sorchem nhoi?
Thoddeank disonk puro ki tannim somorponn kelam tea pormonnem jieunk tanchea lagim zaunchem na. Punn ugddas dovrat, amchea lagim chuki zaunk xoktat mhunn Jehova zannam. Karonn Devache adle visvaxi sevok pasun chukle mhunn Bible sangta. (Stotr 103:13, 14 vachat.) Tor, Jehovak khuxal korunk amchean zata tem ami kortat tednam tem Jehovak manvota. Dusrem mhunnttlear, Bible amkam sangta ki kitench ‘amkam Devachea moga thaun vegllem korunk xokona.’ (Romkarank 8:38, 39) Tor, Jehova amkam modot kortoloch mhunn amkam khatri melltta.
KHOLAIEN XIKAT
Jehova Deva vixim anik zannam zaiat ani tachi modot gheiat. Oxem kelʼlean, bautizm gheunk tumchea mukhar ietat tea oddchonneancho tumi koso fuddo korunk pavtolim tem zannam zaiat.
4. Jehova vixim anik bore toren zannam zaiat
Bautizm gheunk tumi soglench zannam zaunk zai oxem na. Punn Jehovacho mog korunk ani taka manvota tem korunk tumkam goroz titli mahiti aslear puro. Sonvsarbhor Bible xiktat tim hem koxem korunk pavleant tem zannam zaunk VIDEO polloum-ia. Uprant sokol dilʼlea prosnacho zobab zannam zaum-ia.
-
Video-nt dakhoilam toxem thoddea bhav-bhoinnamnim bautizma pasot toiar zaunk kitem kelem?
Romkarank 12:2 vachun sokol dilʼlea prosnanche zobab zannam zaum-ia.
-
Bible kitem xikoita hantunt tumkam koslo-i dubhav asa kai? Jehovachim Sakxi Bible-a pormonnem xikoitat oxem tumkam dista?
-
Tumkam koslo-i dubhav asa zalear tumi kitem korunk zai?
5. Kosleo-i oddchonneo ailear tancho fuddo korat
Somorponn korunk ani bautizm gheunk ami fuddem sortat tednam amkam kosli-na-kosli oddchonn astolich. Hea vixim eke bhoinnichem udharonn zannam zaunk ami ek VIDEO polloum-ia. Uprant, sokol dilʼlea prosnanche zobab zannam zaum-ia.
-
Bhoinn Narangerel-ak, Jehovachi seva korunk koslea oddchonneancho fuddo korunk poddlo?
-
Jehovacho mog aslo dekhun tinnem tea oddchonneancho koso fuddo kelo?
Mhonnʼnneo 29:25 ani 2 Timotak 1:7 vachun sokol dilʼlea prosnacho zobab zannam zaum-ia.
-
Oddchonneancho fuddo korunk amkam koso dhir melltta?
6. Jehova tumkam modot kortolo mhunn visvas dovrat
Jehova tumkam tachi khuxi korunk modot kortolo. VIDEO polloun sokol dilʼlea prosnanche zobab zannam zaum-ia.
-
Ho videarthi bautizm gheunk kiteak fatti sortalo?
-
Jehova vixim kitem xikon tacho bhavarth ghott zalo?
Izaias 41:10, 13 vachun sokol dilʼlea prosnacho zobab zannam zaum-ia.
-
Somorponna vellar ditat ti bhas samballunk tumchean zatolem mhunn tumkam kiteak khatri asa?
7. Tumi Jehovachea moga pasot upkari asat mhunn dakhoiat
Jehova amcho kitlo mog korta tea vixim ami niall kelear ami tache upkari zatolim ani sodankal tachi seva korunk sodhtolim. Stotr 40:5 vachun sokol dilʼlea prosnacho zobab zannam zaum-ia.
-
Jehovan dilʼlea khoinchea besanvam pasot tumi tache upkari asat?
Provadi Jeremiasak Jehovacho ani tachea Utracho khub mog aslo. Toxench, Jehovacho provadi mhunn vavrunk taka gorv bhogtalo. Tannem mhunnttlem: “Tujim utram mhaka pavlim title-i pavtti hanvem tim gillʼlim: Tujim utram mhojem dhadosponn, ani mhojea kallzacho sontos; kiteak Sorvespora, Sorvsoktivont Deva, Hanv Tuzoch mhonn sogllim mhaka vollkhotat.” (Jeremias 15:16) Hea prosnanche zobab zannam zaum-ia:
-
Jehovachim Sakxi mhunn vollkhop ho ek vhodd suoeg kiteak zaun asa?
-
Jehovachim Sakxi zaunk tumi bautizm gheunk sodhtat kai?
-
Oxem korunk tumkam kosli tori addkholl asa kai?
-
Bautizm gheunk tumi koslim panvlam gheunk zai oxem tumkam dista?
THODDO LOK MHUNNTTA: “Bautizm ghetlea uprant Jehova sangta tem soglem mhojean korunk zatolem oxem mhaka disona.”
-
Tumkam-i toxench dista kai?
KITEM XIKLIM
Kosli-i oddchonn aslear pasun tumi Jehovachea adaran bautizm gheunk pavtolim.
Porot Ugddas Korum-ia
-
Bautizm gheunchea poilim tumkam kitem khobor asonk zai?
-
Bautizm gheunchea poilim tumi kosle bodlav korunk zai?
-
Bautizm gheunk tumi bhieun kiteak fattim sorchem nhoi?
ANIK SODHAT
Bautizm gheunk tumi kiteak nirnnoi gheunk zai tem zannam zaiat.
Oddchonneo ailear pasun tumi bautizm gheunk kiteak fuddem soronk zai tem zannam zaiat.
“Bautizm Gheunk Mhaka Kosli Addkoll Asa?” (Pahrogopur, Mars 2019)
Bautizm gheunk eka dadlean oddchonneancho koso fuddo kelo tem polloiat.
Ataa nanvacho dadlo bautizm gheunk fatti sortalo. Punn uprant, bautizm gheunk taka koxi modot zali tem zannam zaiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
