Tumi hea vorsachim Pahrogopur masikam dhean diun vachleant kai? Toxem zalear hea prosnanche zobab tumi diunk xoktat kai tem polloiat:

Ami obhixikt Kristanvam sangata koxem vagonk zai?

Ami tanchea bhavarthacho valor kortat. Punn tankam ami chodduch man vo mhotv dinant. Tankam aslolea bhorvonxea vixim ami tankam svotak lagu zatat tosle prosn vicharinant.—w20.01, p. 29.

Jehova tumcher dhean dita mhunn tumi kiteak khatri dovrunk zata?

Tumi zolmonchea poilinch tannem tumcher dhean dilam mhunn Bible dakhoita. Ani to tumchea magnneank kan dita. Tumchea kallzant kitem asa tem to zannam, ani tumi kitem chintat tem pasun to zannam. Tumchea kornneancho pasun tachea bhavnancher probhav poddtta. (1 Itihas. 28:9; Mho. 27:11) Tannem tumkam tachea lagim oddun haddleant.—w20.02, p. 12.

Ami kednam ulounk zai ani kednam vogi ravonk zai?

Ami Jehova vixim khuxalkaien ulounk fatti soronant. Konn-eklo chukiche vatten voita zalear ami tachea lagim ulounk zai. Goroz tednam vhoddil sol’lo ditat. Amchea kamacher bondi aslolea zagear amchem kam koxem cholta tea vixim ami vicharinant vo dusreank sangonant. Dusreank sangonk zaina ti mahiti ami sangonant.—w20.03, per. 20-21.

Joel odheai 2-ant sanglole toll, Prokasovnni odheai 9-ant sanglolea tollam poros koxe veglle asat?

Jehova tollank dhanvddaitolo ani tannim kel’lem luksonn bhorun haddttolo, ani tea uprant to apli povitr xokti votoitolo mhunn Joel 2:25-3:2 sangta. Heo vostu, Israel raxttracher Babilonachea soinikamnim akromonn kelem tednam ani uprant purnn zaleo. Prokasovnni 9:1-11-ant sanglole toll amchea kalla voilea obhixiktank suchit kortat. Hea noxttea sonvsaracher te Jehovachea zhoddttecho sondex porgott’ttat, jem hea noxttea sonvsarak tenko ditat tankam boro lagona.—w20.04, per. 3-6.

Aiz ut’torecho Raza konn zaun asa?

Russia ani tachim vangddi raxttram. Tannim Devachea lokank dhumallo dila, tanchea porgottnnechea kamacher bondi haddlea, ani Jehovachea Sakxeancho dves kela. Ut’torecho raza dokxinnechea raza poros chodd bollixtt zaunk proitn korta.—w20.05, p. 13.

Devachi povitr xokti fokot Galasiekarank 5:22, 23-ant sanglole nnov gunnuch utpon korunk modot korta kai?

Na. Povitr xokti amkam nitivontponn, ani her osle bore gunn pasun utpon korunk modot korta. (Ef. 5:8, 9)—w20.06, p. 17.

Tumchea vixim internet-acher mahiti ghatlolean koslo ek dhoko asa?

Internet-acher tumchea vixim mahiti ghatlolean tumi khaltim nant, ani boddai martat mhunn dusreank disonk xokta.—w20.07, per. 6-7.

Onnbhovi kharveam thaun Jezuche xis kitem xikonk xoktat?

Onnbhovi kharvi nustem choddxem kednam ani khoinchea zagear melltta tem monant dovrun kam kortat. Te sarkim sadhonam uzar korunk zannant. Ani te poristhiti bodol’lear pasun dhiran kam kortat. Ami pasun porgottnnent toxench korunk zata.—w20.09, p. 5.

Ami khoinchea thoddea vattamnim amchea Bible videartheanchea kallzant Jehova pasot mog vaddounk xoktat?

Ami tankam dor disa Bible vachun tacher niall korunk urba diunk zata. Ani magnnem koxem korchem tem tankam xikounk zata.—w20.11, p. 4.

“Krista sovem soglleank Dev punorjivont kortolo.” Hea utramnim, ‘sogle’ konn? —1 Kor. 15:22.

Dor ek munis punorjivont zatolo mhunn apostl Paulu hanga sangona. To hanga obhixikt Kristanvam vixim sangtalo, zankam “Jezu Kristak ekvottaun povitr keleant.” (1 Kor. 1:2; 15:18)—w20.12, per. 5-6.

‘Dollo bittbitt’ta mhonnosor rupantor’ zalea uprant obhixikt kitem kortole?—1 Kor. 15:51-53.

Tim Krista sangata lokhonddache betkattien lokanchi dekhrekh kortolim. (Prok. 2:26, 27)—w20.12, per. 12-13.