BUKINI KAKAWAKINA: E taetae ni burabetinna Tekaria bwa a na butimwaea te rongorongo ae raoiroi aomata man aia taetae natannaomata nako. (Tek 8:23) Ma antai ae e na reireinia? (Ro 10:13-15) Iai kakabwaiaara ao mwiokoara, ae tibwaakin te rongorongo ae raoiroi nakoia aomata nako n ara aono.—od-E 84 ¶10-11.

ARONI KARAOANA:

• Katauraoi. Ko kakaitiboo ma aomata aika kaokoro aia taetae ma am taetae? Ko kona ni kabongana te JW Language n reiakina iai aron te maroro ae bebete n te taetae anne. Ke ko kona ni kabongana am mobwaao ke am tablet, ni kaota nakoina arona ni karekei riki rongorongo n oin ana taetae n te jw.org

• Taratara raoi. Ngkana ko uarongorongo man te auti teuana ma teuana, kamanena raoi am tai n taetae ma akana ririaki ke akana tataninga n aia kaa. Ngkana ko mwakuri n ana tabo te botannaomata, uaiakina tiam are ko na taetae

• Bwaina te taningamarau. Kataia ni kakaaea angam ni kaitiboo ma kaain auti ake akea kaaia ni moan rokom. Kakorakorako bwa ko na taetae n auti nako, tao n te tai ae kaokoro n te bong anne ke n te bong riki teuana. Tabeman kaain auti, e bae n angaraoi te reitaki ma ngaiia n te reta, te tareboon, ke te uarongorongo i rarikin te kawai

• Okiokiria. Waekoa n okira ane e kan ongora. Ngkana e kaokoro ana taetae, kataia kakaaea temanna ae e kona ni buokia. Ko riai n okiokiria ni karokoa ae e kawaria te tia uarongorongo ae rabakau ana taetae.—od-E 94 ¶39-40

MATAKU N TE TAAMNEI AE TE UARONGORONGO N “TAABO AKE TAIANI KABANEA N RAROA N TE AONNABA,” AO RINANOI TITIRAKI AIKAI:

• 

  Tera aroia taari ni katauraoi ibukini kawaraia aomata n aono aika raroanako? (1Ko 9:22, 23)

• 

  Baikara bwaai n tutuki ake a riai n tokanikai iai?

• 

  Tera kakabwaiaaia iai?

• Tera ae ko kona ni karaoia bwa ko aonga ni kawariia aika bati riki n am aono?