Namɛi baanyɛ aba?

Mɔ fɛɛ mɔ baanyɛ aba. Okɛ oweku lɛ aba.

Bei enyiɛ nifeemɔi nɛɛ baahe?

Maŋshiɛmɔ krɛdɛɛ lɛ baahe minitii 30. No sɛɛ lɛ, akɛ ŋmɛlɛtswaa kome baasusu Biblia mli sane ko he, ni abaafee lɛ toibolɔi kɛ sanegbaa.

Kaimɔ lɛ nifeemɔ lɛ baahe aaafee ŋmɛlɛtswaa kome.

Nɛgbɛ abaafee yɛ?

Kɛ́ ootao hei ni nifeemɔi nɛɛ baaya nɔ yɛ lɛ, klikimɔ “Taomɔ He Ni Abaafee Kaimɔ Lɛ Eko Yɛ” lɛ loo “Taomɔ He Ni Abaahã Maŋshiɛmɔ Krɛdɛɛ Nɛɛ Eko Yɛ,” ni yɔɔ ŋwɛigbɛ nɛɛ.

Kɛ́ mitee nifeemɔ nɛɛ, ani abaabi ni mawo shika ko, loo mawo shi doo akɛ, maya kpeei krokomɛi ni abaafee lɛ?

Dabi.

Ani abaahe kɔlɛshiŋ yɛ jɛmɛ?

Dabi. Yehowa Odasefoi heee kɔlɛshiŋ yɛ amɛkpeei ashishi kɔkɔɔkɔ.​—Mateo 10:⁠8.

Ani atsɔɔ atade pɔtɛɛ ko ni esa akɛ awo?

Dabi. Shi Yehowa Odasefoi bɔɔ mɔdɛŋ waa akɛ amɛbaasaa amɛhe bɔ ni sa hei ni amɛyaa kɛ bɔ ni bulɛ yɔɔ he.

Mɛni baaya nɔ yɛ Kaimɔ lɛ shishi?

Abaalá, ni Yehowa Odasefonyo ko baasɔle kɛje shishi, ni nakai nɔŋŋ abaafee kɛmu kpee lɛ naa. No sɛɛ lɛ, abaahã wiemɔ ko ni baatsɔɔ bɔ ni Yesu gbele lɛ he hiaa hã, kɛ bɔ ni wɔbaafee wɔná nɔ ni Nyɔŋmɔ kɛ Kristo efee ehã wɔ lɛ he sɛɛ.

Kɛ́ ootao enɛ he saji krokomɛi lɛ, kanemɔ sane ni ji “Mɛni Hewɔ Esoro Bɔ Ni Yehowa Odasefoi Feɔ Nuŋtsɔ Lɛ Gbɛkɛ Niyeli Lɛ Yɛ Jamɔi Krokomɛi Lɛ Anɔ Lɛ He Lɛ?”

Mɛɛ be ekoŋŋ abaafee Kaimɔ Lɛ?

2025: Hɔɔ, April 12

2026: Soo, April 2

2027: Ju, March 22