“E iai loa se tuʼuake.”​—Gaʼoi 24:15.

Le fakapelepele mokā mate se tasi e tou alofa mamae ai.​—2 Kolinito 1:3, 4.

Le lauʼātea mei le popula i le ʼī ki le mate.​—Epeleo 2:15.

Le amanaki māʼoki ke tou toe fakatasi mo lātou na tou alofa mamae ai.​—Soane 5:28, 29.

E io ti ko ona tupuʼaga e tolu:

• Ko le ʼAtua leia e soli ʼia le maʼuli. E fakaʼigoa i le Tosi-Tapu a Seova ʼAtua ko le “matapuna o le maʼuli.” (Pesalemo 36:9; Gaʼoi 17:24, 25) E matala papau ai ko se neʼa noa ki le Tupuʼaga a neʼa maʼuli fuli sana toe fakamaʼuli ʼia se tasi na mate.

• Na fakasoko e le ʼAtua le fakatuʼuake i le temi muʼa. E māsau le Tosi-Tapu ki fakatuʼuake e valu ki le maʼuli i le kele. Na ko kakai tupulaga, mo mātutuʼa, tagata mo fafine. Ko ʼiki na leʼese fualoa lolatou mamate, kae ko se toka tasi faʼi na ku aso fā lona tuku i le tanuma.​—Soane 11:39-44.

• E fakaʼamu le ʼAtua ke toe fai e ia le neʼa lenā. E vesiʼa Seova ki le mate, ko se fili kiate ia. (1 Kolinito 15:26) E fakaʼamu a ia ke tauteaʼi e ia lenā le fili lā, ke puliʼi le mate mo fakasoko le fakatuʼuake. Talie e loto a ia ke fakatuʼuake a lātou alā na taupau e ia i lona loto ke lotou toe maʼuli i le kele.​—Sopo 14:14, 15.