Balavu na iVakamacala: Kua ni nanuma ni vinakati mo vakamacalataka kece na ka. E dau vakayagataka na taro o Jisu mera vakasama kina na tamata, mera qai kila na ka dodonu me caka. (Mac 17:24-27) E bulabula na vuli nida taro, eda kila tale ga kina na ka e sa matata vei gonevuli kei na ka e vakabauta. (be 253 ¶3-4) Nida taro, meda vosovoso ni waraka na kena isau. Ke cala na isaunitaro i gonevuli, kua ni tukuna vua na kena isau donu. Ia taroga tale eso na taro me rawa ni vakamuai koya donu. (be 238 ¶1-2) Vosa vakamalua me rawa ni kila vinaka o gonevuli na vakasama vou.—be 230 ¶4.

iVakamacala Vereverea: Qarauna mo kua ni tukuna kece na ka o kila me baleta e dua na ulutaga. (Jn 16:12) Kauaitaka ga na tikina bibi ena parakaravu. (be 226 ¶4-5) Na levu ni ivakamacala, dina ni rairai tikina vinaka, e rawa ni yali tale na tikina bibi. (be 235 ¶3) Ni sa matata ga na tikina bibi vei gonevuli, toso sara ena parakaravu tarava.

Vakasavuitukutuku ga: Noda inaki meda uqeta na loma i gonevuli, sega ni vakasavuitukutuku ga. (Lu 24:32) Vakayagataka na kaukaua ni Vosa ni Kalou ni o vakamacalataka ga na tikinivolatabu bibi e vulici. (2Ko 10:4; Ipe 4:12; be 144 ¶1-3) Me rawarawa ga na vosa vakatautauvata e vakayagataki. (be 245 ¶2-4) Vakasamataka na dredre e sotava tiko o gonevuli kei na nona vakabauta, qai veivakavulici me ganita na kena ituvaki. O rawa ni taroga qo: “Na cava o nanuma me baleta na ka o vulica tiko qo?” “Na cava eda vulica kina e baleti Jiova?” “Na cava na yaga ni noda muria na ivakasala va qo?”—be 238 ¶3-5; 259 ¶1.