Ena ika22 ni Noveba, 2019 e sevutaki na New World Translation ena vosa vakaNzema, ni oti e va na yabaki na kena vakadewataki. E sevutaka e dua na lewe ni Komiti ni Tabana e Ghana, o Brother Samuel M. Kwesie ena soqo ni veiwasewase e Bawia, ena Yasayasa Vakara e Ghana. Era tiko ena soqo qori e rauta na le 3,051.

Eratou vakadewataka na iVolatabu e le vitu na daunivakadewa. E kaya e dua vei ratou: “E rawarawa na vosa e vakayagataki ena New World Translation, e matata vei ira na wiliwili, o ira mada ga na itabagone. Qori ena uqeti ira mera volekati koya na Tamada vakalomalagi o Jiova.”

Era dau vakayagataka tu na dautukutuku vosa vakaNzema na iVolatabu e tabaka na Bible Society e Ghana. Ia e sega kina na yaca ni Kalou, e dredre tale ga me kilai. Kuria ya, e dredre vei ira na dautukutuku e Ghana mera volia na iVolatabu ni rui saulevu.

Ia e duidui sara na New World Translation ena vosa vakaNzema, ni tiko kina na yaca ni Kalou o Jiova, e matata, qai sega ni saumi. Ena yaga sara vakalevu na iVolatabu qo vei ira na le 1,532 na dautukutuku era vosa vakaNzema ena yalava e qarava na valenivolavola ni tabana e Ghana, nira vunau vei ira e rauta na 330,000 na lewenivanua era vosataka na vosa qori.

Mera marautaka mada ga na tacida “na lawa i Jiova” nira vakayagataka na vakadewa ni iVolatabu vou qo.—Same 1:1, 2.