Tsy hampiasa ty fanazavà ameanao amy tranonkala toy ato Ty Watchtower Bible and Tract Society of New York, Inc., na ty fikambana miaraky miasa aminy. Raha fa nivolany taminao tamy iha vo nampiasa kaontinao iny avao ro hahavy azy hanao raha zay. Tsy atoro Watchtower Bible and Tract Society of New York, Inc. ndre ia ndre ia ty mikasikasiky anao, laha tsy hoe fa nivolany iha fa hamea olo raha io mba ho azo atao ty manome anao ty raha nangatahinao, na hita koa fa mitaky ty hanaova raha zay ty lalàna, na koa mba hamantara noho hialà amy fanaova raha sandoky na misy raha tsy mety ara-tekniky hafa. Tsy havily na hatakalo na hampanofà mihintsy ty fanazavà iaby mikasikasiky anao.

Adiresy e-mail nameanao tamy iha namoro kaonty tamy tranonkala toy iny ro hampiasanay hifadrambesa aminao. Laha halinonao ohatsy ty solon’anaranao na ty modepasinao ka tsy afaky militsy amy kontinao iha, le adiresy e-mail io avao ro handefasanay hafatsy hanampea anao, laha mangataky raha zay iha.

Ty cookies ro mitanjaky ty hoe manao akory ty teanao hiasà tranonkala toy. Tiarovy ty cookie raiky ohatsy ty fivolana tean’olo raiky hiasà, ka laha vo manokatsy jw.org olo iny, le avy le fivolana iny ro eo. Tsy mangalaky na manajary fanazavà mikasiky anao manoka ty cookies.

Mampiasa script tranonkala toy soa handeha soa ty asany. Mampiasa script ty jw.org, mba hanampea ty olo hahazo fanazavà malakilaky. Tsy mampiasa script hametraha programa amy ordinateran’olo mampiasa azy mihitsy ty jw.org, sady tsy mampiasa script hangalà fanazavà tsy nahazoany alala baka amin’olo mampiasa azy.

Alefaso ty script na ty JavaScript amy programa anenteanao tranonkala toy, laha teanao hiboaky soa amy ordinateranao ao ty raha sisany amy jw.org ao. Azo alefa na tsy alefa ty script amy ankamaroani-programa amy ze tranonkala iliranao. Henteo ty torolala mikasiky fampiasà programa iny, laha teanao hiasa ty script ho ahi-ty tranonkala sisany.

Laha hita hoe mila ovà ty fifanekea mikasiky sekirè, le halefanay amy pejy toy ato avao raha zay. Ho hainao avao amy zay hoe ino ro fanazavà halànay noho manao akory ty hampiasà azy.