Ukoko Isẹri Jihova u wo adhẹẹ kẹ izi nọ a kẹ kpahe evuẹ omobọ ohwo. Re whọ gbẹ riẹ kpahe izi ukoko na kpahe epanọ a sae rọ sẹro evuẹ omobọ ohwo evaọ akpọ na soso, iviena nẹ etenẹ.

A jọ Izi nọ E rẹ Thọ Evuẹ Omobọ Ohwo na dhesẹ epanọ ukoko Isẹri Jihova u re ru kpahe evuẹ nọ ohwo o kere fihọ otọ. Ofariẹ, ekpọvio efa nọ i kiekpahe oria itanẹte nana nọ ma rọwo fihọ e rrọ obọ otọ na.

Watchtower Bible and Tract Society of New York, Inc. (“Watchtower”), oye o wo oria Itanẹte nana yọ a be rehọ iẹe thueki hi. Oye o be kpọ iruẹru Isẹri Jihova no obọ New York ze evaọ akpọ na soso. Eria buobu nọ eware nọ e rrọ itanẹte na i no ze nọ a re se servers, e rrọ obọ United State, evaọ America.

Evuẹ kpobi nọ who kere họ otọ kpahe omobọra nọ whọ tẹ be rọ oria itanẹte na ruiruo, ẹjiroro nọ who ro kere ai fihọ iẹe na ọvo a rẹ rehọ ae ru.

Ma te rehọ evuẹ ra kẹ ekọmpene itanẹte efa ha ajokpanọ o gwọlọ ere re ma sae ru oware nọ whọ gwọlọ gba kẹ owhẹ, rekọ ma rẹ kake jẹ owhẹ riẹ kpahe onana tao. Ma sai je ru onana nọ u te mu omai ẹro nọ ere oruo o rọwokugbe oware nọ uzi egọmeti o gwọlọ, hayo re ma sae whaha oghẹrẹ iwhayo kpobi nọ e rẹ sae roma via gbe eware itieye na efa. Whọ tẹ be rehọ oria itanẹte nana ruiruo, kiyọ whọ rọwo nọ ma sai dhesẹ evuẹ omobọ ra kẹ amọfa rọkẹ ẹjiroro nọ ma fodẹ na ọvo. Ma te rehọ eware nọ who kere fihọ otọ na thueki hayo siobọno ai kẹ ekọmpene gheghe he.

Ekọmpene Efa (Third-Party Vendors). Ẹsejọ whọ rẹ jọ oria itanẹte nana ruẹ adrẹse oria itanẹte ekọmpene efa nọ a re se third-party vendor, enọ i re fiobọhọ kẹ omai ru eware jọ nọ whọ gwọlọ gba kẹ owhẹ (wọhọ oriruo, nọ who te bi kere eme fihọ efọmo). Who ti muẹrohọ nọ oria itanẹte ọfa whọ rrọ na keme ovao riẹ u ti wo ohẹriẹ no ọmai, yọ odẹ itanẹte na u ti nwene. Nọ ma te bi ru oware kugbe ekọmpene efa evaọ itanẹte, ma rẹ kiẹ izi nọ a wo nọ e rẹ thọ evuẹ omobọ ohwo tao, yọ n’oke t’oke, ma rẹ kiẹ izi nana riwi re ma ruẹ nọ e rọwokugbe enọ ma wo. Who te wo onọ jọ kpahe izi ekọmpene efa nọ ma re ru oware kugbe evaọ itanẹte, iviena se kpahe izi nọ e be kpọ eroruiruo eria itanẹte rai.

O rrọ omai oja gaga re ma sẹro evuẹ nọ i kiekpahe evuẹ omobọ ra. Oware nọ ma rẹ rọ thọ evuẹ omobọ ra họ Transport Layer Security (TLS). Ma rẹ rehọ ekọmputa nọ a fihọ oria nọ ahwo buobu a rẹ ro ho rọ sẹro evuẹ nọ who kere fihọ otọ hayo enọ who bi vi se omai.

Adrẹse E-mail nọ whọ kẹ omai evaọ okenọ who fi odẹ họ otọ evaọ oria Itanẹte mai ma te hai ro vi uwou se owhẹ. Wọhọ oriruo, otẹrọnọ odẹ gbe epaswọdo nọ who re ro rovie rueva e thọrọ owhẹ ẹro yọ whọ gwọlọ obufihọ, ma rẹ sai fiobọhọ kẹ owhẹ ẹkwoma uwou nọ ma re vi fihọ adrẹse e-mail nọ whọ kẹ omai na.

Who te ru unevaze evaọ oria itanẹte mai, ma re kere odẹ gbe evuẹ ra jọ họ otọ nọ ma sai ro vi uwou se owhẹ. Nọ whọ tẹ rehọ ATM ra ru unevaze, ugho na u re te omai obọ evaọ edhere nọ a re ro vi ugho no oria ruọ oria evaọ akpọ na soso, keme onana o rẹ thọ evuẹ omobọ ra. Ma sae ruẹ hayo rawo evuẹ ATM ra ha, yọ ma sae ruẹ inọmba ebanke ra hayo evuẹ efa nọ who kugbe ro vi uwou na ha. Ma re kere emeware jọ fihọ otọ kpahe unevaze na te ikpe ikpe hayo vrẹ ere. Eware jọ nọ ma re kere fihọ otọ họ, ideti ẹdẹ nọ whọ ro ru unevaze na, unuigho nọ who ro ru unevaze na, gbe oghẹrẹ nọ who ro ru unevaze na. Onana u re fiobọhọ kẹ omai nyate utee epanọ a re ru eware igho nọ a vi no oria ruọ oria, jẹ kẹ iyo enọ kpobi nọ whọ nọ evaọ oke yena. Ma ti vi uwou se owhẹ nọ who ru unevaze ọfa ha.

Whọ sai kere evuẹ omobọ ra họ otọ (evuẹ wọhọ odẹ ra, adrẹse nọ ma sai ro vi uwou se owhẹ, hayo inọmba ifonu ra) rọkẹ eware efa u te no unevaze hayo odẹ nọ who re fihọ otọ no (whọ sai ru onana rọ yare Uwuhrẹ Ebaibol ọvọvẹ). Ma rẹ sẹro evuẹ nana jẹ rehọ ai ru eware nọ whọ rọ fiki rai siobọno evuẹ na ọvo.

Ma rẹ rehọ evuẹ jọ kpahe owhẹ nọ who te rovie oria itanẹte mai. Ma rẹ rehọ evuẹ nana ẹkwoma oware nọ a ru fihọ ekọmputa nọ o rẹ kareghẹhọ owhẹ oria nọ who kpohọ no vẹre evaọ itanẹte nọ a re se “cookies,” “web beacons,” gbe eware itieye na efa. Eroruiruo cookie nọ ma ta kpahe evaọ izi nọ e rẹ thọ evuẹ omobọ ohwo nana e kẹre gaga, yọ onana u kugbe eware itiena efa nọ a re se “local storage.”

Cookies. Wọhọ eria itanẹte efa, nọ who te rovie oria itanẹte mai nana, evuẹ jọ nọ e rẹ kareghẹhọ ifonu hayo ekọmputa ra eria sa-sa nọ who rovie kpohọ no vẹre, nọ a re se “cookie” e rẹ ruọ ifonu, etablẹte, hayo ekọmputa ra. Oware nana o rrọ oghoghẹrẹ sa, yọ o sai ru oghẹrẹ iruo sa-sa je fiobọhọ kẹ owhẹ nọ who te bi rovie oria itanẹte. Oware nana u re fiobọhọ kẹ omai riẹ sọ who rovie oria itanẹte mai na no ẹdẹjọ, hayo kareghẹhọ omai oghẹrẹ nọ who ru rie fihọ nọ o were owhẹ. Wọhọ oriruo, cookie o rẹ rawo ẹvẹrẹ nọ who ro rovie evaọ oke ọsosuọ, jẹ nwane salọ ọnana kẹ owhẹ nọ whọ tẹ wariẹ rovie etẹe na. Ma rẹ rehọ cookie rọ thueki hi.

Ma sae ghale cookie nọ ma re ro ruiruo evaọ oria itanẹte mai na kpohọ eghẹrẹ esa:

1. Cookies nọ I Wuzou Gaga​—U wuzou gaga re who wo cookies nana keme u re fiobọhọ kẹ owhẹ rehọ eware jọ evaọ oria itanẹte nana ruiruo, wọhọ oriruo nọ whọ tẹ gwọlọ rueva (log in) hayo nọ whọ tẹ gwọlọ vi efọmo. Ababọ cookie nana, whọ sai ru eware nọ whọ gwọlọ ru hu, wọhọ nọ whọ tẹ gwọlọ ru unevaze. Cookies i re je fiobọhọ kẹ omai ru eware jọ nọ whọ yare kẹ owhẹ evaọ okenọ whọ tẹ be rehọ oria itanẹte mai na ruiruo. Cookie nana o rẹ rawo evuẹ omobọ ra ha, enọ ahwo nọ a be thueki a sae rọ riẹ eware nọ e rẹ were owhẹ hayo eria itanẹte nọ who kpohọ no.

2. Cookies Ekareghẹhọ​—Enana i re fiobọhọ kẹ oria itanẹte kareghẹhọ eware nọ whọ salọ nọ who rovie kpohọ iẹe (eware wọhọ odẹ ra, ẹvẹrẹ ra, ofẹ akpọ na nọ whọ rrọ), jẹ rehọ evuẹ nana fiobọhọ kẹ owhẹ rehọ oria itanẹte na ruiruo lọlọhọ.

3. Cookies Ikeleakele​—A rẹ rehọ cookie nana rawo evuẹ kpahe unu ahwo nọ a rovie oria itanẹte. Wọhọ oriruo, unu ahwo nọ a rovie oria itanẹte evaọ okpẹdẹ, oka hayo amara. Evuẹ nana i re fiobọhọ kẹ ahwo nọ a wo oria itanẹte na ru ei woma viere.

Mai ọvo ma ru Cookie jọ nọ e rrọ oria itanẹte mai na. Rekọ ekọmpene efa i wo cookie jọ nọ e rrọ oria itanẹte mai na. Cookie nọ i no obọ mai ze ọvo ma re ro ru iruo evaọ oria itanẹte mai, ajokpaọ enọ i no obọ ekọmpene ọfa jọ nọ a re se Google reCAPTCHA ze. Google reCAPTCHA yọ cookie nọ u re fiobọhọ vuhu ahwo gbe ekọmputa, re enọ i wo oria itanẹte a sae whaha evuẹ nọ a re mu vi. Iviena se kpahe izi Google nọ e rẹ thọ evuẹ omobọ ohwo evaọ etẹnẹ https://www.google.com/intl/en/policies/privacy/.

Web Beacons. Eria itanẹte mai na u wo oware jọ nọ a re se Web Beacons, oware nọ u re fiobọhọ kẹ omai muẹrohọ oria nọ who rovie kpohọ evaọ oria itanẹte mai. Web beacons u re fiobọhọ kẹ omai muẹrohọ oghẹrẹ nọ ahwo a be rehọ oria itanẹte mai na ruiruo te.

Eroruiruo IP adrẹse. IP adrẹse yọ inọmba nọ a re ro vuhu ekọmputa ra evaọ itanẹte. IP adrẹse ra gbe oware nọ who bi ro rovie itanẹte i re fiobọhọ kẹ omai riẹ oghẹrẹ nọ ahwo a be rọ oria itanẹte na ruiruo te jẹ riẹ ebẹbẹ nọ a be rẹriẹ ovao dhe re ma sai ru ei woma viere.

Onọ Whọ Salọ Kpobi. Evaọ oghẹrẹ nọ a ru eware nọ a re ro rovie eria itanẹte buobu, whọ sai furie cookie na no, hayo ru ei fihọ oghẹrẹ nọ o sae rọ jọ owhẹ riẹ taure ọ tẹ te rawo cookie fihọ ekọmputa ra. Iviena se kpahe ekpọvio nọ e rrọ oware itanẹte ra re whọ riẹ epanọ whọ sai ro ru onana. Iviena muẹrohọ nọ, ababọ cookie, whọ sae reawere eware jọ buobu nọ e rẹ sai fiobọhọ kẹ owhẹ evaọ oria itanẹte mai hi.

Oware nana u re fiobọhọ kẹ oria itanẹte ruiruo ziezi nọ u je rovie oware nọ ohwo ọ gwọlọ lọlọhọ. U re fiobọhọ nọ evuẹ i re ro rovie vẹrẹ vẹrẹ. Oria itanẹte o sae rehọ Active Scripting Hayo JavaScript rawo eware fihọ ekọmputa ra ha, yọ o sae rehọ evuẹ nọ whọ kẹ udu riẹ hẹ hẹ.

Ababọ Active scripting hayo JavaScript, eware jọ buobu evaọ oware nọ who bi ro rovie itanẹte i re ruiruo ziezi hi, fikiere whọ rẹ nẹe fihọ oghẹrẹ nọ o re ro ruiruo. Eware buobu nọ a re ro rovie itanẹte e rẹ kuvẹ re ohwo o ru Active scripting hayo JavaScript fihọ oghẹrẹ nọ u re ro ruiruo hayo siọ iruo ba evaọ eria itanẹte jọ. Rovie kpohọ oria obufihọ evaọ okwakwa nọ who re ro rovie oria Itanẹte ra re whọ riẹ oghẹrẹ nọ whọ sai ro ru ei.

Eroruiruo oria itanẹte nana, kugbe ebe, ile, gbe ividio nọ whọ sae danlodu kpobi ọvọvẹ. U du gwọlọ nọ who re kere odẹ fihọ otọ, ru unevaze hayo kẹ evuẹ omobọ ra jọ taure who te ti wo erere no oria itanẹte nana ze he. Rekọ u te no owhẹ eva ze inọ who re kere odẹ fihọ otọ, ru unevaze, yare uwuhrẹ Ebaibol ọvẹvẹ, hayo ru oware nọ o te jọ gwọlọ nọ whọ rẹ kẹ omai evuẹ omobọ ra jọ, kiyọ whọ rọwokugbe Izi nọ E rẹ Thọ Evuẹ Omobọ Ohwo gbe Cookies nana; eware nọ a rẹ sẹro evuẹ fihọ evaọ obọ United States, evaọ America; ẹrehọ, eroruiruo, gbe ẹghale evuẹ omobọ ra kugbe Watchtower gbe ekọmpene efa evaọ erẹwho sa-sa nọ i bi fiobọhọ kẹ Isẹri Jihova re a sai ru ẹgwọlọ ra gba kẹ owhẹ. Evuẹ nọ a te rehọ i ti kiekpahe oghẹrẹ oware nọ whọ gwọlọ evaọ oria itanẹte mai na. Wọhọ oriruo, who te ru unevaze se Uwou-Ogha Isẹri Jihova evaọ orẹwho jọ, evuẹ kpahe odẹ ra gbe adrẹse nọ a sai ro vi uwou se owhẹ i re kpohọ Uwou-Ogha yena. Oriruo ọfa họ, whọ tẹ yare uwuhrẹ Ebaibol, evuẹ kpahe odẹ gbe adrẹse ra i re kpohọ Uwou-Ogha Isẹri Jihova nọ u ti ru ẹgwọlọ ra gba kẹ owhẹ.

Whọ gbẹ kẹ omai evuẹ nọ o gwọlọ re whọ sai kere odẹ họ otọ, ru unevaze hayo ru oghẹrẹ oware ofa jọ kpobi hi, ma sai ti ru ẹgwọlọ ra gba kẹ owhẹ hẹ.

O tẹ gwọlọ nọ ma re nwene Izi nọ E rẹ Thọ Evuẹ Omobọ Ohwo gbe Cookies nana, ma ti ru inwene nana fihọ etenẹ na re whọ sae ruẹ e rai jẹ riẹ eware nọ ma be rọ evuẹ ra ru.

Wọhọ epanọ uzi o kuvẹ te, o sae jọ nọ u wo eware efa jọ nọ who wo udu rai nọ i kiekpahe evuẹ omobọ ra. Onana u kugbe udu nọ who wo nọ whọ sai ro rovie, voro hayo ruẹrẹ eware jọ họ nọ i kiekpahe evuẹ omobọ ra nọ whọ rọ kẹ omai evaọ oria itanẹte mai na. Otẹrọnọ uzi o kuvẹ evaọ orẹwho ra, whọ te jọ etenẹ ruẹ adrẹse nọ whọ sai ro vi uwou se omai, iviena nẹ etenẹ. Otẹrọnọ evuẹ omobọ ra nọ whọ gwọlọ riẹ kpahe na i kiekpahe ẹme unevaze, iviena se uzedhe adrẹse oria nọ who vi unevaze na se, adrẹse nọ a kere fihọ evuẹ nọ a vi se owhẹ evaọ okenọ who ro ru unevaze na.