E website akí ta yuda bo siña mas tokante Dios, Beibel i Testigunan di Yehova. Bo por lesa, wak i download loke bo ta haña interesante. Nos ke pa otro hende tambe benefisiá di nos website, pero por fabor no pone e kontenido di e website akí riba otro website òf programa di kòmpiuter. Si bo ke kompartí loke bo a siña ku otro hende, referí nan na e website akí teniendo kuenta ku e siguiente Kondishonnan di Uso.

•  Derecho di Outor

•  Marka Registrá

•  Kondishon i Pèrmit pa Usa e Website

•  Sekshon Médiko

•  Aviso Tokante Garantia i Limitashon di Responsabilidat

•  Violashon di e Kondishonnan di Uso

•  Kambio

•  Lei i Hurisdikshon

•  Posibilidat di Separá Klóusula

•  Akuerdo Kompleto

© 2024 Watch Tower Bible and Tract Society of Pennsylvania, Inc. Tur derecho reservá.

E organisashon ku ta publiká i mantené e website akí ta Watchtower Bible and Tract Society of New York, Inc. (mas despues, nos lo referí na e entidat akí komo “Watchtower”). Tur informashon riba e website akí ta propiedat intelektual di Watch Tower Bible and Tract Society of Pennsylvania (mas despues nos lo referí na e entidat akí komo “Watch Tower”), a ménos ku a indiká algu otro.

Adobe, e logo di Adobe, Acrobat i e logo di Acrobat ta marka registrá di Adobe Systems Incorporated. iTunes i iPod ta marka registrá di Apple Inc. Microsoft, e logo di Microsoft, e nòmber di kualke programa di kòmpiuter i produkto di Microsoft, inkluso Microsoft Office i Microsoft Office 365, ta marka registrá di Microsoft Inc. Android ta un marka registrá di Google LLC. E robòt di Android ta basá riba un diseño ku Google a traha i e ta kompartié di akuerdo ku e kondishonnan den e Creative Commons 3.0 Attribution License (https://creativecommons.org/licenses/by/3.0/us/). Tur otro marka òf marka registrá ta propiedat di esun ku ta nan doño.

E Kondishonnan di Uso ta determiná kon bo por usa e website akí. Ora bo usa e website akí, bo ta bai di akuerdo pa kumpli ku tur e Kondishonnan di Uso akí i tur otro kondishon di uso adishonal (huntu: “e Kondishonnan di Uso”) menshoná riba e website akí. Si bo no ta di akuerdo ku e Kondishonnan di Uso, òf kualke parti di dje, no hasi uso di e website akí.

Kon ta e manera korekto pa usa e website akí? Bou di e siguiente kondishonnan bo por:

• Wak, download òf prent publikashon elektróniko, muzik, plachi òf potrèt, teksto i vidio di e website akí ku ta kai bou di derecho di Watch Tower. Bo tin mag di hasi esaki solamente pa uso personal; no pa uso komersial.

• Kompartí link òf kopia elektróniko di publikashon ku bo por download, vidio òf grabashon di oudio di e website akí.

No ta permití pa:

• Pone plachi òf potrèt, publikashon elektróniko, marka registrá, muzik, vidio òf artíkulo di e website akí riba Internet (loke ta inkluí kualke website, website di kompartí fail òf ret sosial).

• Distribuí plachi òf potrèt, publikashon elektróniko, marka registrá, muzik, vidio di e website akí ku òf komo parti di programa di kòmpiuter (loke ta inkluí pone e materialnan akí riba server pa un programa di kòmpiuter usa).

• Reprodusí, kopia òf usa kualke plachi òf potrèt, publikashon elektróniko, marka registrá, muzik, vidio di e website akí ku e meta pa hasi negoshi ku esaki òf a kambio di plaka (asta si esaki no ta resultá den ningun ganashi).

• Traha kualke programa di kòmpiuter, hèrmènt òf téknika ku ta trahá pa kolektá, kopia, download, saka òf optené informashon, página HTML, plachi òf loke tin skirbi riba e website ku e meta pa distribuí esaki. (Sí ta permití pa distribuí programa di kòmpiuter grátis i programa ku hende no a traha pa hasi negoshi kuné ku por download fail elektróniko manera EPUB, PDF, MP3 òf MP4 for di e sekshonnan públiko di e website akí.)

• Hasi mal uso di e website akí i su servisionan, por ehèmpel, interferí òf buska akseso na e website òf su servisionan na un manera ku e website mes no ta hasi disponibel.

• Usa e website akí den kualke manera ku ta kousa, òf por kousa, daño na e website òf stroba akseso na dje. No tin mag di usa e website akí den ningun manera ilísito, ilegal, froudulento, perhudisial òf en konekshon ku kualke aktividat ku ta ilísito, ilegal, froudulento òf perhudisial.

• Usa e website akí òf kualke plachi òf potrèt, publikashon elektróniko, marka registrá, muzik, vidio riba dje pa merkadeo.

• E website aki ta usa Google Maps. Nos no tin kontrol riba e servisionan ei. Ora bo usa Google Maps riba e website akí bo tin ku sigui e siguiente kondishonnan di uso: Google Maps/Google Earth Additional Terms of Service. Nos no ta na altura di e kambionan na e kondishonnan ei, pues, por fabor lesa e kondishonnan promé ku bo usa e servisionan di Google Maps. No usa Google Maps si bo no ta aseptá su kondishonnan di uso. Google Maps no ta manda ningun informashon di usuario bèk pa e website akí.

E informashon ku ta duna den e sekshon médiko di e website akí (“Sekshon Médiko”) ta solamente pa duna informashon i no pa duna kualke konseho òf rekomendashon médiko. E informashon no ta remplasá atenshon médiko, diagnóstiko òf tratamentu ku un profeshonal médiko ta duna. E Sekshon Médiko no ta rekomendá òf apoyá niun tèst, dòkter, produkto, prosedura médiko, opinion, òf otro informashon ku ta menshoná den e Sekshon Médiko.

Semper konsultá ku un dòkter òf otro persona kualifiká den e ramo médiko si bo tin pregunta tokante un kondishon médiko òf un tratamentu.

E website akí ta purba di duna informashon ku ta eksakto i al dia den e Sekshon Médiko. Sinembargo, di ningun manera no ta duna garantia pa kualke informashon ku ta disponibel den e Sekshon Médiko. E website akí no ta responsabel pa kualke garantia relashoná ku e Sekshon Médiko. Esei ta inkluí—pero no ta limitá na—garantia ku algu ta bon pa bende òf adekuá pa un propósito spesífiko. E website akí no ta duna niun garantia ku kualke informashon den e Sekshon Médiko ta konfiabel, eksakto, útil, al dia òf kompleto. E website akí no ta responsabel pa kualke eror òf informashon ku a laga afó den e kontenido di e Sekshon Médiko. Si bo usa òf sigui kualke informashon den e Sekshon Médiko, esei ta un desishon personal i bo mes mester karga tur responsabilidat pa esei. E website akí nunka lo ta responsabel pa kualke daño, perhuisio òf demanda (inkluso, pero no limitá na, daño ku a surgi insidentalmente òf a konsekuensia di algu, daño pa motibu di leshon personal òf morto di un persona, daño pa motibu di pèrdida di ganashi òf daño pa motibu di pèrdida di informashon òf interupshon di negoshi) ku ta e resultado di a usa òf di no por a usa e Sekshon Médiko, sea ku e demandanan ei òf e daño i perhuisio ta basá riba garantia, akuerdo, inhustisia òf kualke otro teoria legal, i si e website a ser avisá di e posibilidat di tal demanda òf daño i perhuisio.

Riba un base “as is,” Watchtower ta hasi e website akí disponibel i tur su informashon, kontenido i material, i otro servisio ku bo por haña via e website akí. Watchtower no ta duna niun deklarashon di echo ni garantia.

Watchtower no ta duna garantia ku e website no tin vírùs òf otro komponente ku por hasi daño. Watchtower no ta responsabel pa kualke daño pa motibu di uso di kualke servisio, informashon, kontenido, material òf otro servisio ku ta disponibel via e website aki. Esei ta inkluí, pero no ta limitá na, daño i perhuisio direkto, indirekto, insidental, daño ku por resultá den un straf òf but i daño a konsekuensia di algu (inkluso pèrdida di ganashi).

Si bo no kumpli ku e Kondishonnan di Uso akí, fuera di tur e otro derechonan ku Watchtower tin bou di e Kondishonnan di Uso, Watchtower por tuma kualke medida ku e ta haña ta nesesario pa atendé ku e asuntu. Watchtower por kita bo akseso na e website, sea temporalmente òf por kompleto, blòkia bo akseso na e website, blòkia tur kòmpiuter ku ta usa bo adrès di IP di haña akseso na e website, tuma kontakto ku bo kompania di Internet pa blòkia bo akseso na e website akí i/òf tuma kualke paso legal kontra bo.

Watchtower tin e derecho di revisá e Kondishonnan di Uso na kualke momento. E kambionan akí lo drenta na vigor riba e dia ku publiká nan riba e website akí. Lo ta bon pa bo bishitá e página akí regularmente pa bo ta na altura di kualke kambio.

E Kondishonnan di Uso akí ta ser interpretá i ta kai bou di e leinan di e estado di New York, Merka, sin tene kuenta ku otro lei. Mester presentá kualke kaso òf akshon legal relashoná ku e Kondishonnan di Uso akí na un korte di estado òf korte federal ku tin hurisdikshon den e estado di New York, Merka.

Si un hues kompetente disidí ku un klóusula den e Kondishonnan di Uso ta nulo, inbálido, ilegal òf no ta aplikabel, e restu di e Kondishonnan di Uso sí ta keda vigente. Si Watchtower keda sin apliká òf ehekutá un klóusula di e Kondishonnan di Uso, esei no ta nifiká ku e klóusula ei no ta vigente òf ku no por ehekutá òf apliká e klóusula akí mas.

E Kondishonnan di Uso akí ta representá e akuerdo kompleto entre abo i Watchtower relashoná ku uso di e website akí. Kualke akuerdo ku a ser hasí anteriormente relashoná ku uso di e website akí no ta bálido mas.