Ènyaa?
Nu ka tae Yosef lũ ge hafi do ɖe Farao ŋkume?
Blema Egiptetɔwo ƒe gliŋunutata si me takola le dɔ dzi le
Le Mose Ƒe Agbalẽ Gbãtɔ ƒe nya nu la, Farao de se be woakplɔ Hebrivi gamenɔla Yosef ava ye ŋkume kaba ne wòaɖe drɔ̃e ɖefuname si yeku la gɔme na ye. Ɣemaɣi la, ƒe aɖewo va yi xoxo tso esime wode Yosef gaxɔ me. Togbɔ be ehiã kpata be woakplɔ Yosef ayi Farao ŋkume hã la, Yosef di ɣeyiɣi lũ ge hafi yi. (1 Mose 39:20-23; 41:1, 14) Nyateƒe si wònye be ŋutinyaŋlɔla la ŋlɔ nu tso nya sia si dze abe mehiã boo o ene ŋu la ɖee fia be enya Egiptetɔwo ƒe kɔnuwo nyuie.
Geɖoɖo nye nu si bɔ ɖe blemadukɔ geɖewo me ɣemaɣi, eye Hebritɔwo hã ɖoa ge. Gake numekugbalẽ si McClintock kple Strong ŋlɔ la gblɔ be: “Blema Egipte koe nye Ɣedzeƒedukɔ ɖeka pɛ si me tɔwo melɔ̃a geɖoɖo o.”—McClintock and Strong’s Cyclopedia of Biblical, Theological, and Ecclesiastical Literature.
Ge ɖeɖe koe Egiptetɔwo lũna? Biblia ŋuti numekugbalẽ aɖe ɖe nu me be le Egiptetɔwo ƒe kɔawo nu la, hafi ŋutsu aɖe nayi Farao ŋkume la, ehiã be wòadzra eɖokui ɖo abe ale si wòawɔe ne eyina gbedoxɔ me ene. (Biblical Archaeology Review) Ne nyaa le alea la, ke afia be Yosef lũ ge kple fu ɖe sia ɖe le eɖokui ŋu hafi do ɖe Farao ŋkume.
Wogblɔ le Dɔwɔwɔwo ƒe agbalẽa me be Timoteo fofo nye Helatɔ. Ðe esia fia be Hela ye wòtsoa?
Mefia nenema kokoko o. Le agbalẽ siwo Mawu ƒe gbɔgbɔ ʋã apostolo Paulo wòŋlɔ me la, eyɔ ame siwo menye Yudatɔwo o la be Helatɔwo ɣeaɖewoɣi, abe ɖe wòtsɔ nya Helatɔ le ame siwo katã menye Yudatɔwo o la ɖɔm ene. (Romatɔwo 1:
Ame kawoe blematɔwo buna Helatɔwoe? Le ƒe alafa enelia Do Ŋgɔ Na Yesu (D.Y.) me la, Atenetɔ nuƒola bibi si ŋkɔe nye Isocrates gblɔ dadatɔe be Helatɔwo ƒe kɔnuwo le ta kekem le xexea me. Le esia ta egblɔ be, “ame siwo si mɔnukpɔkpɔ su woxɔ hehe abe mía detɔwo ene lae woyɔna be Helatɔwo, ke menye Hela vidzidziwo koe o.” Eya ta togbɔ be míate ŋu agblɔe kple kakaɖedzi o hã la, anɔ eme be ɖe Paulo yɔ Timoteo fofo si menye Yudatɔ o kple ame bubu siwo wòyɔ be Helatɔwo la be Helatɔwo le esi wonɔa agbe ɖe Helatɔwo ƒe kɔawo nu ta, ke menye le esi wonye Hela vidzidziwo ta o.
Ɖewohĩ Esia Hã Adzɔ Dzi Na Wò
GBETAKPƆXƆ
“Miɖo To, Ne Miase Drɔ̃e” Sia
Kuxi siwo ɖe fu na Yosef ƒe ƒomea la zu nufiame vevi aɖe na ƒome siwo me atikɔmeviwo le egbea.
GBETAKPƆXƆ
“Vinye Lɔlɔ̃a Kple Nuteƒewɔla Le Aƒetɔ La Me”
Nu kae kpe ɖe ɖekakpui Timoteo si ŋu kpena la ŋu wòva zu Kristotɔ dzikpɔla nyui aɖe?
GBETAKPƆXƆ—TATA SI MÍESRƆ̃NA
Ènyaa?—February 2022
Nu ka tae wònyo be Yehowa ɖe mɔ be Israel-viwo ate ŋu azã akpakpa alo ahɔnɛ atsɔ asa vɔ na ye?
GBETAKPƆXƆ—TATA SI MÍESRƆ̃NA
Ènyaa?—March 2020
Kpeɖodzi bubu kawoe ɖee fia be Israel-viwo nye kluviwo le Egipte kpɔ?
