Yezu baŋɛɛ lɛ na aŋ maŋ beɛrɛ aseŋ saŋa na teŋ wa tuoro yelfaare ane dankyagre. Noba da ŋma la zirii tuo Yezu, a tu sori naŋ ba seŋ neŋ poɔŋ a ŋmɛ o, a ŋmaa o sɛrɛɛ daŋkyagre soriŋ a yelka o deme kyebe. A baaraa zaa ba dɔgrooŋ yaga a kyɛ ko o. Yezu da ba e yelfaa zaa, kyɛ o da yi la o poɔ zaa a “de O nyɔvore yɔɔ de ne neŋyaga.” (Matio 20:28; Gyɔɔn 15:13) Pampana ŋa, Yezu la Naaŋmen Naaloŋ na Naa. A koŋ kɔɔre, o na vɛŋeŋ ka dantorii be a tendaa lombori zaa. O na vɛŋeŋ ka yelfaare meŋ baare kpɛlɛŋkpɛlɛŋ.​—Aizeeya 42:3.

 A Baabole wulee lɛ na a donɛɛ naŋ na waa saŋa na Yezu naŋ na dire naaŋ kaara a teŋɛzu na:

•   “Neŋfaare koŋ la bebe; ho na gaa la zie na ba naŋ be na, kyɛ ba koŋ la bebe. Kyɛ noba naŋ sigri ba menne na zeŋ la a teŋgane ŋa zuŋ, ba na wono la noɔ̃ yaga zaa emmaaroŋ gaalii poɔŋ.”​—Yieme 37:10, 11.

 Wala teŋ na baŋ e a de wuli ka te niŋe paalɛɛ yɛlɛ na zaa Yezu naŋ e ko te, ane yɛlɛ na zaa oŋ naŋ na e ko te na? A yi Luka 22:19, Yezu da yelko la o potuuribo ka ba maŋ leɛteɛre o kũũ na yɛlɛ. Yuoni ŋa meŋ Jehoova Sieree Deme na laŋ la taa a leɛteɛre Yezu kũũ na. Te tonɔ boɔlɔ boŋ ka ho wa poɔ te eŋɛŋ ka te Leɛteɛre Yezu kũũ na Koseɛraa Daare, March 24, 2024.

Bɔ a Leɛteɛroo zie