ˈWƆN ˗GƆ 12
˗Bhö ˈwɔn blɛɛˈˈ ˈˈwowosü ˈka, ˈü ü ˈˈtʋ̈ŋ kë mɛn ˗nu ˈgü
1 Tesadhonikö 2:7, 8
ˈPË ˈÜ DHO ˗A KË: ˗Bhö dhiaŋ zë ˗dhɔkaadhe ˈka, ˈˈwowosü ˈka kö ˈü˗ ˗zɔn ˈˈtʋtomɛn ˗nu ˗dhɛ ꞊dhɛ ü ˈˈtʋ̈ŋ ˗yö ˗an ˈgü.
Ü ˗DHO ˗A KË ˗KƆ ˗KË ꞊DHƐ?:
-
˗Bhö ü ˗zota ˈˈtʋtomɛn ˗nu ˗wɔn ˈgü. ˈWɔn ˈˈgbɩɩ˗ ˗nu ˈö ˈˈtʋtomɛn ˗nu ˈdhö bɔ ˗ni ˈgü ˗an ˈgü, ˗bhö ü ˗zota ˗an ˈgü kö ˈü ˗an dɔ. Pë ˈö ꞊mɔɔn˗ ˗bha ˈö ˗kë ˗an zuʋ̈ˈˈ ˈˈpiʋ̈, ˗bhö ü ˗zota ˗a ˈgü ˈpö.
-
˗Wo ˗nu ˈü dho ˗an pö, ˗bhö ü ˗kɔ ˈˈyɛ ˗an ˗bha ˗së ˈka. ˗Kɔ ˈü dho ˗a kë ˗a ˈka kö ˈü ˈˈtʋtomɛn ˗nu zuʋ̈ˈˈ kë ˗saa, kö ˈü ˗an ˗zogban, kö ˗yö ꞊faan ˗da ˗an ˈgü, ˗bhö ˗a mɛɛnˈˈ. ˗Wo ˗nu ˈwo ꞊mɔɔn˗ ˗bha ˈwo ˗yɛ mɛn ˗nu ˗bha, ˗bhö ˈˈkan ˗an ˗bha. ꞊Ya ˈgo mü ˈzü, ˈbha ˈdho mɛn ˗nu ˈö ˈwaa Zoova ˗bha ꞊Gbɛkiö ˗nu ˈka ɛɛnˈˈ pë ˗nu ˈwo wo ˗zoyö ˗an ˗dhɛ, ˗an ˗wɔn ˗dhiaŋ yaa zë.
-
˗Bhö ˗a ˗zɔn ꞊dhɛ ü ü ˈˈtʋ̈ŋ ˗kë mɛn ˗nu ˈgü. ˗Bhö dhiaŋ zë dhɔŋsü ˈka, kö ˈü ˈpa ü ˗de ˈka ˗së ˈka kö ˈü˗ ˗zɔn ꞊dhɛ ˈˈtʋtomɛn ˗nu ˗wɔn ˗yö ü ˗gɔ ˈˈgbɩɩ˗ ꞊dedewo. ˗Bhö ü ˗zoto pë ˈö mɛn ˗nu dho ˗a yö ü wëëdhɛ ˗bha, ˗a ˈˈpiʋ̈. ˗Bhö ˈˈyɩɩ ˈto ꞊shiöŋ ꞊shiöŋ.
