Pë ˈö Pɔdhö ˗ya ˗kë

˗Gleŋ ˗mɛɛn ˈö Pɔdhö ˗ya ˗da kwa ˗bha?

2. Kwa ˗bhawɔn ˗yö ˈˈtʋ̈ŋ waa ˈgüdɔgbɩɩsü ˗bha kö ˈkwa ˗wo mɛn ˗nu ˗dhɛ, kö ˈkwa Biblö draansü züdɔ ˗an ˈˈpiʋ̈.

 ˗Kwa ʒiö Pɔdhö ˗bha ˈwɔnzuan ˈˈpiʋ̈

3. ˗Kwa kwa ˗bha ˗zlanwopö ˈˈtʋ̈ŋ ˗bɛ mɛn ˗nu ˗bha ˗bha. ˗Kwa kwa ˗de dhɛɛˈˈ ˈkpɔ: ‹ˈˈTʋ̈ŋ ˗mɛɛn ˈö ˗dho kë ˗së kö ˈa ˗wo ˗a ˈka ˗a ˗dhɛ? ˈˈTʋ̈ŋ ˗mɛɛn ˈö ˗dho ˈˈwɩ˗ ˗bha kö ˗yö ˈˈdoo dɔ n ˈˈpiʋ̈ ˗a ˈka? ˈYö ˗dhɛ ˗mɛɛn ˈgü?› ˗Kwa kwa ˈgü dɔ ˈˈgbɩɩ˗ kö ˈkwa ˗wo mɛn ˗nu ˗dhɛ ˈˈtʋ̈ŋ ˈö ˗an ˈgü ˗së ˗a ˈka, ˈkö ˗kë ꞊dhɛ ˈyaa kwa ˗zë kwa ˗dhɛ ˗së.

4. ˗Kwa mɛn ˗nu dhɛɛˈˈ ˈkpɔ ˈˈtʋ̈ŋ ˈwo˗ ˈˈpiʋ̈ ˈkwa ˗wo ˗a ˈka ˗an ˗dhɛ, ˗a ˈka. Kwa ˗bha ˈˈdoo ˈˈdhiʋ̈tadhɛ ꞊gban ˈgü, ˗kwa ˈˈtʋ̈ŋ ꞊dede ˈö ˈkwa ˗dho nu ˗wo ˗a ˈka mɛn ˗nu ˗dhɛ ˗a pö. ˈYö ˗kwa ˈto kwa ˗wo ˗ta.

5. ˗Kwa kwa ˗zo ˗së gɔn. ˈKwa ˈdho ˈto ˈkwa˗ pö ꞊dhɛ ˗Zlan ˗wo ˗dhɔ ˈyaa mɛn ˈbha ˗bha ˈyö ˗tɔ ꞊dhɛ ˗kpan ˗a ˗bha ˗sü ˗yö ˈˈgbɩɩ˗ ɛɛnˈˈ ˗a ˗kɔ ˗yö yö ˈgü ˈˈtʋ̈ŋ ˈkpiidhɛ ˈka. (1 Ko. 13:​4, 7) ˗Yö ˈˈdhʋ̈ ꞊dhɛ kwa dua ˗mü kö ˈkwa kwa ˈgü dɔ ˈˈgbɩɩ˗ kö ˈkwa ˗kpan mɛn ˗nu ˗bha, ˈˈkɛɛ kwa ˗zo ˈya ˈdho bhɔ ˈwɔn ˗së ˗kë kwa ˗bha ˈˈtʋ̈ŋ ˈka ˗sü ˈka.—1 Ko. 9:26.