Yika Yakuneha Uwahililo mu Usoko?
Yena wakunyonga ngwo . . .
-
zango?
-
mbongo?
-
yuma yikwo?
YIKA MBIMBILIYA YINAMBE
“Kawaha waze akwivwa liji lia Zambi nikulifunga!”—Luka 11:28. Mukanda Usandu wa Zambi.
KUCHI MALIJI WANO MAHASA KUKUKWASA
Zango liamwenemwene.—Efwesu 5:28, 29.
Vumbi lingunu.—Efwesu 5:33.
Ukulungunga wamwenemwene.—Marku 10:6-9.
CHAMWENEMWENE YETWE MUTUHASA KUTAYIZA YIZE MBIMBILIYA YINAMBE?
Ewa, mutuhasa kuyitayiza, ha mukunda wa yitela yaali:
-
Zambi mwe Chishina cha usoko. Mbimbiliya yinambe ngwo, ‘asoko eswe. . . hanaaluku jina’ kuli Yehova Zambi. (Efwesu 3:14, 15) Yino yinalumbunuka ngwo, Yehova mwe watangile asoko eswe. Mumu liaka yino yili ni ulemu?
Achinyonga kama: Nyi yena walia chimwe kulia chipema hi muzanga kunyingika chize akuchiteleka, kuli iya yena chatamba kuhula? Chochene, kuli yoze wachitelekanga.
Chizechene nawa, mba unyingike yize yakuneha uwahililo mu usoko, chili chipema tufupe usongwelo kuli Yehova, mwe Chishina cha ululiko wa usoko.—Uputukilo 2:18-24.
-
Zambi kakukufunga. Asoko akwete mana kakukaula chiyulo cha Yehova, chize iye akuhana mu Liji lienyi. Mumu liaka? “Mumu iye kakunufunga.” (1 Petulu 5:6, 7) Yehova kananyingika yize muyikwaha chiseke mu mbunge—nawa shimbi jenyi nihindu jili jingunu!—Yishima 3:5, 6; Izaia 48:17, 18.
ACHINYONGA KAMA
Kuchi yena muhasa kupwa lunga, pwo hanji chisemi mupema?
Mbimbiliya yinakumbulula chihula chino mu A-EFWESU 5:1, 2 ni A-KOLOSU 3:18-21.
Kota Muzanga Chinji Yuma Yize Mumona
LAULENU!
Uwahililo mu Usoko—Kukalakala Hamuwika
Shina yena ni mukwenu pwo hanji mukwenu lunga nwapwa lume ngwe waze alimbata nyi ngwe atu a mu chipatulo chimuwika?
SANGO JA YETU
Mumu Liaka Chatamba Kulilongesa Mbimbiliya?
Mbimbiliya hiyakumbulula yihula yilemu ya ku mwono ya tununu a tununu twa atu hashi heswe. Shina unzange kupwa umwe wa kuli ayo?
SANGO JA YETU
Eta Umwe Eze ni Kukumeneka
Kushimutwina chimwe chihula cha mu Mbimbiliya, kunyingika yuma yinji hakutwala kuli Yela ja Yehova.
