Twaba nitwenda kushemeza Yehova twine kuhurikiza ondijo muntu ow’ekitiniisa. Yehova atakahangire Adamu, akaba yahangire marayika ow’amaani omu iguru.

Bwanyima, Yehova akija kumwohereza kuzarirwa Betelehemu, yazarwa omuhara ori kwetwa Mariya. Ogwo mwana ni Yesu.—Yohaana 6:38.

Obu Yesu yabiire ari omu nsi, akaba nakora nk’ebi Ruhanga ari kukora. Akaba ari murungi, ayine rukundo kandi ari kwehisya abantu. Akaba nayegyesa abantu ebya Yehova atari kutiina.

Nambwenu Yesu akakiza abarwiire kandi yazoora abaafiire.

Abakuru b’amadini bakanga Yesu ahabw’okuba akata aheru ebishuba byabo n’ebikorwa byabo bibi.

Abakuru b’amadini bakamubeherera aha Barooma, bamutera reero bwanyima bamwita.