Niadtong Abril 25, 2019, gihapak sa Bagyong Kenneth ang amihanang Mozambique. Kini ang ikaduhang bagyo nga mihapak sa nasod human mihimog dakong kadaot ang Bagyong Idai niadtong Marso. Ang Bagyong Kenneth nagpahinabog grabeng pagbaha ug mga landslide, nga migubag mga balay ug mga kalsada ug nakapalisod sa mga residente sa maong lugar.

Mga 300 ka magmamantala ang nagpuyo sa probinsiya sa Cabo Delgado, pero wala ray nasamdan o namatay tungod sa bagyo. Apan 9 ka balay sa atong mga igsoon ang gibungkag sa bagyo ug 16 ang nadaot. Dugang pa, usa ka Kingdom Hall ang grabeng naguba ug tulo ang nadaot. Ang tigdumala sa sirkito sa maong lugar, apil ang usa ka representante sa Local Design/Construction, ug duha ka brader sa remote translation office mibisita sa tanang kongregasyon nga naapektohan ug naghatag ug pagdasig sa mga igsoon.

Iampo nato ang atong mga igsoon samtang padayon silang nagasalig nga palig-onon ug tabangan sila ni Jehova “panahon sa kasakitan.”—Salmo 46:1.