BAG I 55
Tomde yu ndà ntseʼde
Ntùm njù sagkuà, ntshuʼntshuʼ benntùn num ngamde Yaweh Nsi ntùm ntshaʼntshaʼ ndà ntseʼde bo tsiañde. Bo num nyàmde ntswide bo num mfà bo là, mba mat bo num ndoʼ ntshagde yub yi là, mbèn nke ntomde ndà ntseʼde bo mat nzenze. A mbʼo num njuʼ wul o ntùm yu ndà ntseʼde là ké?
1. Tsemoʼ manze tse bʼo loʼ yu ngelañ bo yu neta ntomde yu ndà ntseʼde yi là bʼa tsile?
Mba we lo kuʼni nefà ze ywimde ntùm ndà ntseʼde. Mba mfiʼ là, tsemoʼ benntùn be ntùm yu ndà ntseʼde là tse bo tènde ntùm nguʼnjù ke tse ngokèt kag loʼ num bo lo ké? Bʼo ywimde yub nenèn ba ntseʼde ké? Ke là, o kuʼni neywimde yub nta ntàn bo, ke nefaʼ tsemoʼ faʼ ndà bo lo ké? (Siañ Yakobo 1:27.) Bag bin bèn nkuʼni nefà zebe ywimde num nesôge, mbèn nabte ndà ntseʼde. Neghù tshen tshu là keʼ bʼa ke kô nkô. Nkôni be ghù mfà num Yaweh Nsi bo fèt ben nà bèn nke ntènde ben “nefà wut ben koñkoñ.”—Yobkwi 110:3, nwt-F
Ghakwénta tse bo ghù nyuʼntse là kuʼni netomde ndà ntseʼde bo tsemoʼ mat. Ba fètfèt tse bandum bo ghù ba mat tsʼa bètte là kuʼni nefaʼ mba nkwébu ghakwémbwe, mbe nèn mbwe, mfaʼ mba ghakwémbwe là. Ba fètfèt tse bandum mba tse bènnzwi kuʼni neloʼ faʼ ngaʼnze num netomde faʼ nesoñ nkùn mebwô. Tsemoʼ ghakwénta kuʼni nefà yub ywimde num nekut ba ndà ntseʼde ke nenèn dùʼ nzi be là lo num netomde ba fètfèt mà bwe.
2. Be kuʼni neloʼ zebe nkàb mba zebe fuʼ netomde ndà ntseʼde yi à ndùke?
Be kuʼni “[neloʼ] mbwe tshu [ben] ngamde [Nsi] yi.” (Tànkùt 3:9) Num miag ben, a taʼ nkuʼni ndùb nefà zebe nkàb mba zebe fuʼ num netomde ndà ntseʼde yi mbèn ntomde faʼ nesoñ nkùn mebwô ntùm njù sagkuà. (Siañ 2 Korintô 9:7.) Tseben fà bwôntù num mbèn njwimde ngelañ ngeʼ ze bu mèn ke njam bwe kwag fèt ben ntùm njù là. Tsemoʼ num ntshoʼ neléʼ me ju njoñ ngelañ fa num nefà fà bwôntù yi. (Siañ 1 Korintô 16:2.) Be kuʼni nefà tseben fà bwôntù ntùm ba koñ ndà ntseʼde ke nenèn num koñnkùn no num donate.jw.org. Yaweh Nsi fà manze ben nelaʼde zebe nkôni mfà num i ntshùade njam mat be num ndoʼ nkàb ben mba mba fuʼ ben, mfaʼ yi là.
TSWEʼ NTUN MI
Lôde ba manze tse bʼo tshùade bwe ntomde ndà ntseʼde yi là.
3. Be kuʼni nefà fà bwôntù
Yaweh Nsi bo Yésu num nkô ben tse bo num mfà bo tsiañde là. Mba mfiʼ là, Yésu naʼ yen mbèn nyàmde taʼ fôg mènnzwi zʼa naʼ nkagtùn mbʼa kuʼni là nemaʼ ju ntùm koñ nà. Siañ Lukas 21:1-4, mbèn mbùnde tshen mbètte li:
-
A bètte be fà tshu yàm kà ntsiañde ntù Yaweh Nsi ké?
-
Yaweh Nsi bo Yésu nke njuʼ wut yub à ndùke ngelañ ntù ben tènde ben nefà fà bwôntù à?
Nelèn mba bo num mfaʼ bo tseben fà bwôntù là, lôde LAʼDE NETSHAÑ, mbèn mbùnde yen bètte li.
-
Bo num ndoʼ fà bwôntù njwimde ba ndà ntseʼde yi ntùm njù sagkuà à ndùke?
4. Be kuʼni nefà zebe ywimde
Ngelañ mbwe, ghafaʼ Yaweh Nsi naʼ nke mfaʼ bo fiag wut num nenabte yub dùʼ ghamde. Là, yennà naʼ ke bʼa ndaʼ ne nke mfà nkàb. Siañ 2 Kronika 34:9-11, mbèn mbùnde yen bètte li:
-
Mba zit mèn Israél lo naʼ nke njwimde nenabte ndà Yaweh Nsi ke ndà ghamde lo à ndùke?
Neyen mba ghakwénta Yaweh Nsi num mbét yen mfiʼ là sènni là, lôde LAʼDE NETSHAÑ, mbèn mbùnde tshen mbètte li.
-
Numke a mbʼa ju ndùb netshùb zebe ndà ntseʼde mebwô mba ntùm nelàn à?
-
Ba mat tse bʼo fà yu ywimde là bʼa tsile?
5. Fètfèt tse bandum, bin fañ Yaweh Nsi loʼ zin njwimde ndà ntseʼdʼé yi
Ñwaʼni Nsi tshwèt nso kù num fètfèt tse bandum mbe bo kagtùn njoñ mba bo kuʼni là netomde ndà ntseʼde. Neyen taʼ mfiʼ, lôde LAʼDE NETSHAÑ, mbèn mbùnde yen bètte li.
-
Ntùm laʼde netshañ, ke ze Ryan naʼ ngù num nekwiʼde ze ywimde ntùm ndà ntseʼde à?
Ñwaʼni Nsi tshwèt ntshob ba tshu tsʼa bètte mbe fètfèt tse bandum ghù kà nkuʼni nefaʼ mba nkwébu ghakwémbwe ke ghakwémbwe lo là. Siañ 1 Timôtio 3:1-13, mbèn mbùnde tshen mbètte li:
BE MÈNNTÙN BÈTTE MBE: “Ghakwénta Yaweh Nsi nke ndoʼ nkàb à yà kà ntomde sub faʼ yi à?”
-
Oaʼ bùndʼà ndùke?
JU NETSHÙBE
Yaweh Nsi num nyàmde tsebe nkagtùn netomde ndà ntseʼde bo zebe ngelañ, zebe neta, mba bo nkàb ke fuʼ ben no.
Mbètte nekwimde
-
Be kuʼni neloʼ zebe ngelañ mba zebe neta ntomde ndà ntseʼde yi à ndùke?
-
Be kuʼni neloʼ nkàb mba fuʼ be ghù là ntomde ndà ntseʼde yi à ndùke?
-
O kô yu netomde ndà ntseʼde à ndùke?
DIAGE
Yen ju zʼa ghù Nsi ke bèn nebètte mbe be fà taʼ bag num nze gham nà.
Yen ju ze “nekô faʼ” ntùm ndà ntseʼde tshwèt mbagde yi là.
“‘Aspires-tu à une fonction de surveillantʼ?” (La Tour de Garde, 15 septembre 2014)
Yen ba nkagtùn tse tsemoʼ fètfèt num ngù num nenèn mfà ba ñwaʼni fèt tshob là.
Yen dùʼ ze ghakwénta Yaweh Nsi num ndoʼ nkàb num netomde sub faʼ yi là, mbèn njen mbʼa bade bo ze tsemoʼ tshôssi là.
“Comment les Témoins de Jéhovah financent-ils leurs activités?” (Ñwaʼni num jw.org)
