BAG I 11

O kuʼni nejù bin Ñwaʼni Nsi à ndùke?

O yà toʼ diag netoʼde taʼ faʼ, njen mbʼa yàm neshu, wul o bot ké? Neghù mbe sen faʼ là fiag wù, moʼndù o ke faʼ njoñ i fa à yoñ ntshùʼ, oaʼ faʼ à me ndaʼndaʼ. A bʼa be ju ntshùʼ bo nesiañ Ñwaʼni Nsi. Moʼndù o bètte wul o mbe, mʼaʼ toʼdʼà ndùke? Ntùm yen bag i li, bag bin aʼ yen bon tshu tsʼa kuʼni neywimdʼo nejù bin yu ziʼde Ñwaʼni Nsi là.

1. A bètte be nke nsiañ Ñwaʼni Nsi njoñ ngelañ fa à numke?

Mènntùn zʼa num nsiañ Ñwaʼni Nsi, ke “ntshùʼ Yaweh Nsi” lo njoñ ngelañ fa là aʼ juʼ tsiañde ntùm yôg se. (Siañ Yobkwi 1:1-3.) Mbe toʼde, kagtùn neloʼ bon mvinyam nesiañ Ñwaʼni Nsi. O nèn mbwe neghù ndùlala, mba oaʼ be miagde, njuʼ tsiañde nesiañ Ñwaʼni Nsi.

2. Nedù o jù bin ju o siañ ntùm Ñwaʼni Nsi là, a bètte o ghù à ke?

Nejù bin ju o siañ ntùm Ñwaʼni Nsi là, a bètte o naʼ ntsin, nsiañde nu num ju o siañ nà. A bètte o siañ mbèn “nsiañde nu bwe.” (Yoshua 1:8, kide tun fe) Ngelañ o tshwèt nsiañ nà, bètte wul o mbe: ‘Yenni nke ntswidʼàm à ke num Yaweh Nsi à? Me kuʼni neyab yenni ntùm faʼ à ndùke? Me kuʼni neywimde tsemoʼ bo tshen nka Ñwaʼni Nsi li à ndùke?ʼ

3. Bʼo tshuʼ ngelañ nesiañ Ñwaʼni Nsi à ndùke?

A num nta wù netshuʼ ngelañ nesiañ Ñwaʼni Nsi ké? O keʼ bʼa tùʼ o. Kagtùn “netshuʼ ngelañ.” (Efésô 5:16) Neghù yennà, yab taʼ ngelañ ntùm léʼnjù zʼoaʼ nke nsiañ Ñwaʼni Nsi yi là. Tsemoʼ benntùn num ntshuʼ ngelañ à bam kebnjù, tsemoʼ tshuʼ yub à mbwôgtshù ngelañ jujù, tsemoʼ nke nsiañ yub Ñwaʼni Nsi à tèttsweʼ kà nô nsi. Zit ngelañ bèn mbwô num o à?

TSWEʼ NTUN MI

Yen mbʼo kuʼni neghù mbe yu ziʼde Ñwaʼni Nsi bwô nèn mbwe, mbèn njen mbʼo kuʼni nenabte wul o kuaʼ mebwô num nejù bin yu ziʼde Ñwaʼni Nsi là.

Ndañndañ mba be num nziʼde nekô taʼ tshañ nà, be kuʼni neziʼde nekô nesiañ Ñwaʼni Nsi

4. Ziʼde nekô nesiañ Ñwaʼni Nsi

A keʼ bʼa fiag ju netoʼde nesiañ Ñwaʼni Nsi. O kuʼni neziʼde nekô nesiañ Ñwaʼni Nsi ndañndañ mbʼo kuʼni neziʼde nekô taʼ tshañ zʼo keʼ toʼ jù là. Siañ 1 Pétro 2:2, mbèn mbùnde yen bètte li:

O kwade mbe o nke ndùʼ mat nesiañ Ñwaʼni Nsi njoñ léʼ fa, mba oaʼ kô neghù yennà, mbèn ngù nzi nenèn à be mbwe ké?

Lôde LAʼDE NETSHAÑ neyen mba tsemoʼ benntùn ziʼde nekô nesiañ Ñwaʼni Nsi là. Miagde mbùnde tshen mbètte li.

LAʼDE NETSHAÑ: Des jeunes qui apprenent à aimer la parole de Dieu (5:33)

Ntùm laʼde netshañ, tsit ngùtni tshen ghuan benntùn ni maʼ ntshùa à?
Ke zʼa ywimde yub nesiañ Ñwaʼni Nsi njoñ léʼ fa à?
Ke ze bo ghù num nejù bin ju bo siañ ntùm Ñwaʼni Nsi à?

Ntag tsʼa kuʼni neywimdʼo là:

Loʼ taʼ tode Ñwaʼni Nsi zʼa bwô mbèn mfiag nejuʼ là. Bʼo siañ Traduction du monde nouveau a be zʼa be ntùm ntshob mu là.
Toʼde nesiañ ba bag Ñwaʼni Nsi tse bʼa bwô o neshu là. Bʼo lôde “Nedùʼ nzi nesiañ Ñwaʼni Nsi.”
Kide tshu tsʼa bwô o ngelañ o siañ Ñwaʼni Nsi là. Kide ntùm bag “Lôde mba yu nesiañ Ñwaʼni Nsi tshwèt nèn mbwe là” zʼa be ntùm yen buʼ ñwaʼni li là.
Faʼ bo JW Library^®. Bo yi, o kuʼni nesiañ ke nejuʼ Ñwaʼni Nsi mba yà lo, ntùm yu tôkab ke loñve lo.
Faʼ bo appendice ntùm Traduction du monde nouveau. Ntùm bwe, o ghù ba netshañ bo mbagde tsemoʼ miag ntshob tsʼa kuʼni neywimdʼo nejù bin ju zʼo tshwèt nsiañ nà.

5. Nabte wul o num yu ziʼde Ñwaʼni Nsi

Siañ Yobkwi 119:34, mbèn mbùnde yen bètte li:

Numke a mbʼa mbwô ju neghù leʼde kà nsiañ Ñwaʼni Nsi, mba ngelañ o tshwèt nabte wul o num yu ziʼde Ñwaʼni Nsi à?

O kuʼni nejù bin ziʼde kuaʼ mebwô ngelañ o ziʼde bo yu ngatswide lʼà ndùke? O be nabte mba zit bag i lo, kagtùn nebét tshen ntag li:

Bwôgmbwe nsiañ ba mbwe bag tse.
Siañ ba nka Ñwaʼni Nsi, mbèn nkagtùn neyen ntamde bo ju bo kide là.
Kùa ba miag ntshob tsʼa tshwèt mbùnde mba zit bètte lo là; aʼ ywimdʼo neswade ntshob bo yu ngatswide.

O naʼ lèn ké?

Ghakwénta Yaweh Nsi naʼ yà faʼ bo ntode Ñwaʼni Nsi nzenze, ndaʼndù bag num nkô nefaʼ à bo La Bible. Traduction du monde nouveau nummbe a bwô, mfiage, mbèn ngù lén Nsi ntùm bwe.—Lôde ñwaʼni num jw.org “Les Témoins de Jéhovah ont-ils leur Bible à eux?”

TSEMOʼ BENNTÙN NUM NTSHOB MBE: “Neziʼde Ñwaʼni Nsi bʼa taʼ faʼ ndù a ta neshu. Me keʼ ghù ngelañ, me bot tshàm.”