KWI 26
Bin naʼ ngù à num àm
-
1. Bo tshwèt njen mbe ntshu ntshùʼ, tsemoʼ njùmbwe Yésu
tshwèt mfaʼ bo ben bo yoʼ nebe nzwi Kristô.
Njoñ tshu fa bo be ngù
neywimde, ntomde yub
Bʼa tshu tsʼa tshwèt nkaʼ mbe a nsi seʼ mbèn mbé.
(DÙʼ NEBWÔGDE)
Be zʼo fide ntù tshob, mbʼo fidʼà ntù àm.
A be zʼo naʼ ndoʼ yub, mba o naʼ loʼ àm.
Faʼ o faʼ num yub tu, bʼa faʼ num tu àm.
O ghù mebwô bo; mbʼo ghù à num àm.
Be zʼo ghù mebwô bo, mbʼo ghù à num àm.
-
2. Bin naʼ fà jujù me, mbèn mfà ntse fide ntùʼàm,
mba zit nzi me ghù là, bin naʼ seʼ mbañ àm.
Bo bètte: “Zit ngelañ
bag naʼ njwimdʼo ndùlà?”
Mven bùnde nsoñ yub ju zʼa tshwèt ntsiañdʼé là:
(DÙʼ NEBWÔGDE)
Be zʼo fide ntù tshob, mbʼo fidʼà ntù àm.
A be zʼo naʼ ndoʼ yub, mba o naʼ loʼ àm.
Faʼ o faʼ num yub tu, bʼa faʼ num tu àm.
O ghù mebwô bo; mbʼo ghù à num àm.
Be zʼo ghù mebwô bo, mbʼo ghù à num àm.
-
3. Bin naʼ zin num ntshùʼ tshàm, mfaʼ mebwô ke yaʼ léʼ,
mba bin soñ ntum tsiañde bo fèt tshàm tse nkeʼ
Ndùlà Mven aʼ nzi ntshob
njùmbwe bag buʼi ze zwim:
“Bin seʼ njù Nufen ze bo naʼ nabte bin.”
(DÙʼ NEBWÔGDE)
Be zʼo fide ntù tshob, mbʼo fidʼà ntù àm.
A be zʼo naʼ ndoʼ yub, mba o naʼ loʼ àm.
Faʼ o faʼ num yub tu, bʼa faʼ num tu àm.
O ghù mebwô bo; mbʼo ghù à num àm.
Be zʼo ghù mebwô bo, mbʼo ghù à num àm.
(Mbèn ndôde Tànk. 19:17; Mat. 10:40-42; 2 Tim. 1:16, 17.)
