Ndi nlem é ne ane atyi étyé da bo na sitima a tebe vôme wua. (Beh 6:19) Ndi nleme te ja volô bia na bi bo te ku Zambe éyoñ bia tôbane minjuk. (1Tim 1:18, 19) Minjuk mite mi ne bo éyoñ mam ma wulu ke bia avale bia yi, éyoñ bia jañele biôm bi mo, éyoñ bia kon aval ôkon é ne nju’u ya saé, awu ya môt bia nye’e, a mame mefe me ne telé mbunane wongane meve’ele été.

Mbunan a ndi nlem be ne volô bia na bi kôme yene ma’ane Yéhôva a nga ka’a bia. (2Bec 4:16-18; Beh 11:13, 26, 27) Nde, to’o bi bili ndi nlem ya ke nyiñ e yôb été nge tabe si va, bia yiane yemete je éyoñ bia fase bengaka’a bese Yéhôva a nga bo e Kalate Zambe été. Éyoñe bi ntele miñju’u été, d’aye bo bia tyi’ibi na bi ke ôsu a bo Yéhôva ésaé a mevak.—1P 1:6, 7.

TATÉ’É YENE VIDÉO A NE NLÔ AJÔ NA, VA’AN E NDI NLEM ÉTÉ; MVUSE YA VALÉ YALA’ANE MINSILI MI:

• Amu jé Moïse a ne mbamba éve’ela ya tôñ?

• Mbe’e ôvé ô bete betebe ôsu ya menda me bôte bitul?

• Mame mevé bôte ya nda bôte jôé be ne fas ayé’é denan?

• Aval avé ndi nlem é ne volô wo na ô dañe minjuk, nlem ô bô wo si?

• Jé bia yange melu ma zu?