VEE ÔYO! No. 2 2019 | Miñye’elane misaman bongô ba yiane nyoñ
Miñye’elane misaman bongô ba yiane nyoñ
Avale môt avé wo yi na nyo mon a bo éyoñ a ye bo nya môtô?
Môt a yeme jôé émien
Môt a ne éjote nyul
Môt a yeme yemban
Môt a bo mam ane nya môtô
Môt a ne étôtôlô
Môt a ne zôsô
Bongô b’ aye kui na be bi mefulu mete étam. Da ye sili na ô volô be.
Kalate mefoé nyi a ye liti miñye’elane misaman mi ne mfi asu bone bôé, a mia ye volô be na be bo bôt akiti.
Mfi ya yeme jôé émien
Amu jé é ne mfi ya yeme jôé émien, a aval avé bi ne bi fulu éte?
Aval a ne bo éjote nyul
E ye’ele nyo mon na a bi fulu éjote nyul ja ye volô nye ataté éyoñe ji akekui melu ma zu.
Aval a ne yeme yemban
Bongô ba yé’é fulu ya yeme yemban ba ye tu’a bo nkômesane ya dañe minju’u y’ényiñ.
Aval a ne bo mam ane nya môtô
Ôkala ôvé mongô a ne yé’é na a bo mam ane nya môtô? Ye éyoñ a nga’ane tyôtyoé, ye éyoñ a nto nya môtô?
Mfi ya bi melebe ma so be benya bôtô
Bongô ba yiane bi benya melebe ényiñe jap, ve nde be ne koone melebe mete vé?
Mfi ya yeme jam é ne mvaé a di é n’abé
E ve bone bôé mbamba ñye’elan, a volô na be bi nya mbôka’a asu melu ma zu.
Mame mefe me ne volô bebiaé
Bebiaé ba yiane fe bi mbamba melebe me ne mfi asu ényiñ. Nge wo kômbô yeme mam mefe, kele’ anjeñe mefoé jw.org.
