AMEPUSHO YA MU BAIBOLO YA-ASUKWA
AMEPUSHO YA MU BAIBOLO YA-ASUKWA
Bushe Lesa ni nani ishina?
Ba lupwa lwesu bonse balikwata amashina. Ne fitekwa na fyo, fyalikwata amashina! Bushe ici, tacilelanga fye ukuti na Lesa wine afwile ukukwata ishina? Mu Baibolo mwaliba amalumbo ayo babomfya pa kulumbanya Lesa, pamo nga Lesa wa Maka Yonse, Shikulu Mulopwe na Kabumba, lelo alikwata ne shina.—Belengeni Esaya 42:8.
Mu ma Baibolo ayengi mwaliba ishina lya kwa Lesa, lyaba pa Amalumbo 83:18. Ku ca kumwenako, muli Baibolo ya Amalembo ya Calo Cipya, ili lembo litila: “Imwe mweka, mwe bakwata ishina lya kuti Yehova, ni mwe Mwapulamo pano isonde ponse.”
Mulandu nshi tulingile ukubomfesha ishina lya kwa Lesa?
Lesa afwaya tulebomfya ishina lyakwe. Nga tulelanda ku bantu abo twatemwana nabo sana, pamo nga abanensu abo tumfwana nabo, tulabeta ishina lyabo, maka maka nga batweba ukucita ifyo. Inga Lesa ena, bushe tatufwile ukubomfya ishina lyakwe ilyo tulelanda nankwe? Yesu Kristu na o aebele abasambi bakwe ukulabomfya ishina lya kwa Lesa.—Belengeni Mateo 6:9; Yohane 17:26.
Pa kutila tube ifibusa fya kwa Lesa, tatufwile fye ukumwishiba ishina, lelo tufwile ukwishiba ifingi pali ena. Ku ca kumwenako, bushe Lesa aba shani? Bushe kuti twapalama kuli Lesa? Kuti mwasanga amasuko kuli ifi fipusho mu Baibolo.
Nga mulefwaya ukwishibilapo na fimbi, belengeni icipandwa 1 muli ici citabo, Bushe cinshi Baibolo Isambilisha?, icalembwa ne Nte sha kwa Yehova
[Icikope pe bula 16]
Nga tulelanda ku bantu abo twatemwana nabo sana, pamo nga abanensu abo tumfwana nabo, tulabomfya amashina yesu
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Lesa Alikwata Ishina?
Lesa alikwata amalumbo ayengi pamo nga Uwa Maka Yonse, Kabumba, na Shikulu. Lelo Lesa alikwata ishina ilyo balemba imiku 7,000 mu Baibolo.
AMASUKO KU MEPUSHO YA MU BAIBOLO
Bushe Lesa Akwata Amashina Yanga?
Abantu bamo batontonkanya ukuti pa mashina ya kwa Lesa paliba na ‘Allah,’ ‘Alifa kabili Omega,’ ‘El Shaddai,’ na ‘Yehova-Yaire.’ Bushe Lesa tufwile ukulamwita fye ifili fyonse ifyo tulefwaya?
AMASUKO KU MEPUSHO YA MU BAIBOLO
Bushe Ishina lya kwa Lesa ni Yesu?
Yesu talandilepo ati ali ni Lesa Wa Maka Yonse. Mulandu nshi?
