Нәшрләримиздә чохлу шәкилләр јер алыр. Онларын һәр бири бизә ваҹиб шејләр өјрәдир. Бәс бу шәкилләрдән там јарарланмаг үчүн нә едә биләрсиниз?

• Мәгаләни охумамышдан габаг шәклә нәзәр јетирин. Бу сиздә мәгаләни охумаг үчүн мараг вә һәвәс ојадаҹаг. Адәтән инсан дадлы јемәк ҝөрәндә иштаһасы јараныр. Буна ҝөрә дә өзүнүздән сорушун: «Шәкилдә нә ҝөрүрәм?» (Амс. 7:7, 8).

• Мәгаләни охујаркән дүшүнүн: «Нәјә ҝөрә бу шәкилләр бурада јер алыр?» Шәкилләрин изаһы вә ја шәкилалты јазылар варса, онлары охујун. Шәкил вә мөвзу арасындакы әлагәни ҝөрмәјә чалышын. Ҝөрүн шәкилдән өјрәндикләринизи һәјатынызда неҹә тәтбиг едә биләрсиниз.

• Мәгаләни охујандан сонра шәкилләр васитәсилә әсас фикирләри тәкрарлајын. Сонра ҝөзләринизи јумуб шәкилләри вә онлардан өјрәндијиниз фикирләри јадыныза салмаға чалышын.

• Бу нәшрдәки шәкилләрә јенидән нәзәр салын. Ҝөрүн өјрәндијиниз фикирләри јада сала билирсиниз?