REʼNIKɄYAʼBA 8
Azi name Jesu wichʉkwa kʉzare
Jesuri aʼkwa kukwéy niwikʉnanʉngwasi wicha una ni (Juan 3:16)
Jesu wichana máykʉnʉ ɉwia zareʼri, iʼngwi aʼmiari a kaʼ ikumanekʉ zoya una. Ey uyeʼri Jesu ʉnchuzanu nʉnna, Jeuwáseʼ chʉká anakusa awaki nusʉn.
Mʉnʉ́ zareʼri Jesu winʉnkʉnchunkwana ɉinasin ʉnkaʼchona una.
Jeuwáseʼ Jesu ánugwe ʉnnari chʉká akusa una ni. Asin ʉnkʉchunkwanaseʼ kuʼnawa arukʉya chwa winuna ni. Iwari Jesu ánugwe nari, ɉumamʉ kʉnʉna awiri aʼkwa wichu na’nʉngwa ni.
Niwipawri Jesu chʉká aʼkusa una, awiri sakuku ʉndeʼgow una ni (Daniel 7:13, 14)
Niwikʉzanuga tinpari awichʉyaname Jesu niwinha’gusi wichana ni (Mateo 20:28). Ey uname kʉchwi Niwipawri ánugwe wichʉkwéy nanu neyka niweʼ wesʉkwéy kʉnʉna ni.
Jeuwáseʼ Jesu ʉnkaʼguka una ni, kuʼnawa pari kaʼgʉ́mʉseʼ reʼgukʉngwasi. Awiri ikʉ 144.000 gugin winnoʼsi winzoyana, chʉká aʼzarikʉngeʼri Jesusin kuʼnawa sakuku winanʉngwa ni. Eyma gwasi gwʉn Niwipawseʼ Sakuku Reʼgow una awga ni (Revelación [Apocalipsis] 14:1-3).
Eyma Sakukuri kaʼseʼ pin du zákusa awʉngwa ni. Chʉwi zanamʉ, zagwakʉya, nási, marizanamʉ kuʼ nʉngwa ni. Pin ikʉ zeyzey aʼzari winkwʉngwa ni (Salmo 145:16).
Ema miguzʉngwi awiza ni
BIBRIASEʼ INGUMɄ́N WÁSɄYA RIGAWIɄYA
Azi nameʼri Jesukristuri wichʉkwa kʉzʉnʉnno.
Bibriáseʼri Jesú wicha una neyka awʉtari aʼzʉna ni wásʉya ni. A wicha una neykari aʼmʉkana ki unʉnno.
RIGɄNCHUNHASɄN
Jesukristu wichana neyka rigʉnchunhʉn
Niwisin Jesu wichana ʉnkʉrigʉnchunhʉ mikʉnanʉngwasi míwiʼ ukumʉyʉn aseʼ eyméy kawi awkwa gwaʼnáy kawi. Nʉʼnri eyméy naʼba Jesuseʼ uniʼna awiri a wichanari eymí naʼba nʉkaʼmʉkariza ni meʼzʉn awʉngwa ni.
AɈWA PAPERI BIBRIA SÍ
Wichana neykari chʉká aʼzanikʉkwéy kʉnanʉ́nno
Have you lost someone you love in death? The Bible’s comforting promise can help you.
