RIWIɄKWEYNA 02
Bibriaseʼ zanʉngwa wásʉya tanʉ niweʼkúsʉya ni
Íwari pin zʉnáy du zanuʼ nanʉn nugameʼ, chʉwi meʼzari kukwéy niga ni. Mari eymí ʉwa ni meʼzʉngwi auʼ nʉnno. Ey ʉweʼri, ima káwigwi niwisinamʉ niwikiwicha ki awagwi awʉn nuga nanʉnno. Eméy zanʉn nugeykari emí kinki nari zweingwa ki nanʉnno meʼzanʉkwéy nanʉnno. Bibriáseʼri tʉkin du zanika awʉngwa neyka sí zakaʼchóʼsʉya ni.
1. Bibria azi nanʉngwa neyka sí wásʉya no.
Bibriáseʼri buníʼgʉmʉ emi kwéy zwein nugari ey ʉwameʼ zʉna ni ey wásʉya ni. Ey awiri, ima buníʼgʉmʉri bin zanuʼgwi tikuma awʉngwa ni wásʉya ni. Awiri eméy nʉʼkin yuʼ nari, tʉkin pari du zanika awʉngwa ni eygwi yeyka ni. Ey ʉwameʼ, Bibriaseʼ tʉkin du zanʉngwa neyka sí wasʉyari tanʉ niweʼkúsʉya ni (Jeremías 29:11, 12seʼ aʼgwa ú). Eméy ʉwa neykari, emi buníʼgʉmʉ kaʼnugweri zweykwéy nanʉngwasi, niwikaʼmʉkana ʉwa ni. Ey awiri, tʉkin pari du niweʼzari áʼkwakin akwʉngwa ni ey niweʼzʉna ni.
2. Bibriáseʼri tʉkin pari azi niweʼzari akwʉngwa ni wásʉya no.
Bibriáseʼri tʉkin pari du zʉnaʼba akwʉn nukʉngeʼri, chʉwi meʼkúsʉkwa awiri iʼngeygwi ɉuna du nanuʼ neykari kuʼ nʉngwa ni wásʉya ni (Apocalipsis 21:4seʼ aʼgwa ú). Wichamʉ, mari zanamʉ, wíchʉkwa neykari, ima yow chʉwi niweʼkúsʉya tikuma awʉngwa ni. Bibriáseʼri tʉkin pari kaʼgʉ́mʉseʼ du zʉnaʼba ikʉ du aʼzari kwʉngwa ni wásʉya ni.
3. Bibriaseʼ du zanʉngwa sí wasʉyari azi nisi ta naʼnó meʼzanʉkwéy nanʉnno.
Íkʉri du zákusa awʉnʉngwa winaʼzari nakʉn nugeʼki, ayéy kʉnchonuʼ nari nakʉn nuga ni. Ey ʉweʼki, Bibriaseʼ wasʉyari eméy neki nanuʼ neyka ni, azi aʼnikwʉndi ayéy ʉnchona ʉwa ni. Ma kingwi Bibria du nʉnkʉriwía awʉndi, du zanʉngwa sí wasʉyari ayéy ʉnchonʉngwáy naʼnó meʼzʉn awiza ni (Hechos 17:11).
INGUMɄ́N RIWIɄKWASI
Bibriaseʼ tʉkin du zanʉngwa neyka sí wásʉya awiri eméy nari iʼngéygwiseʼ kaʼmʉkana awaki nuga ni meʼzʉn awʉngwasi bay sekʉnanʉn.
4. Bibriáseʼri du niweʼzari aʼkwa akwʉngwa neyka sí wásʉya ni
Bibriaseʼ du zanʉngwa neyka sí zakaʼchóʼsʉya sékʉnʉn ú. Bema ingumʉ́n miguzʉn awao.
Bibriaseʼ aʼnikwʉn nuga aʼgwa unayu, ema sí rimasey awkwa:
-
Ema amisinámʉseʼ awiri amiɉúnʉkʉnʉseʼ tanʉ aʼkusi kaʼmʉkana awizáy meʼzano.
Du zanʉngwa neyka sí aʼzarunha ú:
|
IʼNGWI KINEKI... |
YOW... |
|---|---|
|
|
|
|
|
|
|
|
|
|
5. Bibriaseʼ du zanʉngwa sí wasʉyari iwa tanʉ meʼzari kukwéy nanʉngwasi aʼmʉkana ʉwa ni
Emi du zanuʼ nari zwein nugameʼ, azi nari du zákusuʼ nʉniʼkwe kazari azoye neki, ayéy kʉnchonuʼ nameʼ kwa rigawanuʼ neyka ni. Iʼngwí Bibriaseʼ tʉkin zanʉngwa neyka sí agʉnchona awaki nugeʼri, tanʉ aʼkusa awaki nuga ni. WIDEW chwa unayu, ema sí rimasey awkwa:
-
Widéwseʼri, azi nameʼ Rafikaseʼ du rigagukuʼ neyka aguzanuʼ nare.
-
Eméy ʉwa neyka mʉnʉ́ʼ kʉchona auʼ nareʼki, azi nari Bibriaseʼ riwiʉkwa neyka kaʼmʉkana uye.
Bibriaseʼ du zanʉngwa sí wasʉyari, buníʼgʉmʉ tanʉ meʼzari kaʼnugwenʉkwéy nanʉngwasi, aʼmʉkana ʉwa ni. Proverbios 17:22 awiri Romanos 12:12seʼ aʼgwa unayu, ema sí rimasey awkwa:
-
Bibriaseʼ du zanʉngwa sí wasʉyari, iwa ingumʉ́n tanʉ meʼzanʉkwéy nanʉngwasi, mikaʼmʉkana awizáy meʼzano.
IʼNGWINÉ YEYKARI: «Bibriaseʼ aʼnikwʉyari ʉnchonʉngwáy narizáy naʼzanuʼ ni».
-
Bibriaseʼ aʼnikwʉn nuga ayéy ʉnchonʉngwáy nanʉndi, azi nameʼ aya sí du izatakamʉ nʉkawʉnno.
RIGAWIɄWA NEYKA
Bibriaseʼ tʉkin pari du niweʼzanʉngwa neyka sí wasʉyari, iwa buníʼgʉmʉ zʉnaʼba tanʉ meʼzari kaʼnugwenʉkwéy nanʉngwasi, aʼmʉkana ʉwa ni.
Rigʉnchunhasʉkwasi
-
Azi nameʼri tʉkin du zanika awʉngwa sí niwigʉnchona awʉndi du nanʉnno.
-
Bibriáseʼri tʉkin zanʉngwa neyka sí azi wásʉya no.
-
Tʉkin pari emí zanʉngwa ni meʼzánʉkwa neykari azi nameʼ iwa mikaʼmʉkana awʉnno.
INGUMɄ́N IZATAKA AWKWA
Wichamʉ du meʼzanikákʉchʉ awkwéy nanuʼ neyka aʼzari kwʉyari azi nari Bibriaseʼ zanʉngwa wasʉyaseʼ tanʉ aʼkusa awaki nukʉnno meʼzari sékʉnʉn ú.
«Du meʼzanuʼ nʉngeʼ aʼmechʉkwéy nʉngwasi Bibria aʼmʉkana ʉwa ni» (JW.ORG -seʼ aʼnikwʉn nuga)
Widew zamaykweyna nʉchwʉn nukʉngeʼ, Paraísuseʼ misinámʉsin du meʼzanʉngwa neyka sí aʼzarunha awkwa.
Iʼngwi Bibria ʉnkʉriwía ʉwameʼ ʉntákuma una sí sékʉnʉn ú.
«Eygwi ʉnzapanamʉ nʉkauʼ náy naʼzʉnʉn» (Gaʼyʉn nuga, julio 1, 2013)
