Израиль албатыда Иегованы мактаарга кӧп шылтактар болгон. Кудай олорды Египеттеҥ чыгарып, фараонныҥ черӱзинеҥ аргадаган (Чг 15:1, 2). Иегова бойыныҥ ишчилерин анаҥ ла ары кичееп јат. Бис ого быйанысты канайып кӧргӱзер аргалу? (Ср 116:12).

Аргалардыҥ бирӱзи — подсобный эмезе текши пионер болуп иштеери. Сен пионер болорго, кӱӱн ле ийде-кӱч болзын деп мӱргӱӱр аргалу (Фп 2:13). Кӧп јарчылар озо подсобный пионер болуп иштеп кӧргӧн. Тулаан ла кандык айларда анайда ок јуунга аймак кӧрӧӧчи келип јаткан айларда, сен канча саат јарлаарын бойыҥ талдаар аргалу — 30 эмезе 50. Подсобный пионер болуп иштегениҥниҥ сӱӱнчизин кӧрӱп, сен текши пионер де болуп иштеерге кӱӱнзей берер болорыҥ. Текши пионер болуп, ижинде тӱжине ле де иштеп турган эмезе су-кадыгы уйан да јарчылар иштейт (mwb16.07 8). Иегованы сӱӱндирерге, бис бастыра кӱчистеҥ албаданып, нени-нени артырарга белен болодыс! (1Лт 16:25).

«МОНГОЛИЯНАҤ ӰЧ СЫЙЫН» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• 

  Ӱч кожо чыккан сыйындар пионер болорго кандый кӱчтерди ӧдӱп чыккандар?

• 

  Иегова олорды канайып кайралдады?

• 

  Бу пионер болуп турган сыйындарда јарлаар иште кандый аргалар ачылган?

• 

  Бу сыйындардыҥ теми улусты канайып оморкотты?