Wɔ alʋbɔ 30 mɔɔ ɩzɩ̃ ɩhɔ yi nu nɩ, nɩ mmenii sʋ̃maa tɩ nɣanlɩ kɛɛ ɔkʋ̃yɛlɛ mɔɔ ɩwɔ amanlɩ sʋ̃maa bɛ avinli nɩ inyiaa anyunumihɔlɛ paa. Naasʋ̃, nninyeni mɔɔ isizii aɣile asã yɩ da yɩ ali kɛɛ, ebiye a, ɔzɔ odwokɔ yɩ ɩ́dɩ nɔhʋanlɛ.

•   “Israel nɩɩ Hezbollah bɔkʋ̃ʋ̃ betiyia bɔ nwʋ wɔ Lebanon bɔda yɩ zʋ. Na eyi ma mmenii sʋ̃maa bo kunlu du kɛɛ ebiye a, Gaza kʋnɛ yɩ nu bɛadɛlɛ kɛhã amanlɩ mvʋlɔ.”—Reuters, January 6, 2024.

•   “Okuwu azʋlɔtʋ mɔɔ bowula Iran tʋ nɩ bɔkʋ̃ʋ̃ wɔ nnɩka mvʋlɔ. Na aɣɛlɛbɔ odwokɔ yɛ lɛ kɛɛ, Iran maa bɔwɔ yɩ tʋ kɛɛ bɛyɛɛ akʋndɩ azʋlɔtʋ. Akʋ̃ sʋ̃, sikalɛyɩ, Russia nɩɩ China bɛva bɔ nwʋ bɔwɔ Iran maa. Na eyi ɩma bɔlɔ hã bɛzabɛ mɔɔ bɛda amanlɩ mɔɔ ɩwɔ adɔlɩyɛ ɔfʋã nu nɩ.”—The New York Times, January 7, 2024.

•   “Russia maa bogua zʋlɔ bɛsɩkɛɛ nninyeni sʋ̃maa wɔ Ukraine.”—UN News, January 11, 2024.

•   “China maa bo ozukuasɛmɩ nɩɩ bɔ kʋnɛ nninyeni mɔɔ inyiaa anyunumihɔlɛ, fanwʋdi mɔɔ Taiwan maa bɛpɛɛ yɩ, nɩɩ China yɛɛ U.S. bɛ avinli mɔɔ ɩsɩkɛɛ nɩ da ali kɛɛ, kʋnɛ kɔhʋla kezi aɣilemvile nu.”—The Japan Times, January 9, 2024.

 Asʋ̃ Bayɩbʋlʋ yɩ kã nninyeni mɔɔ ɩkɔlɩɩ zʋlɔ wɔ amanlɩ amanlɩ bɛ avinli nɩ nwʋ odwokɔ a? Asʋ̃ eyi kɛma kʋnɛ kezi wɔ oyuwadɩ munwala a?

 Kʋnɛ azʋlɔtʋ mɔɔ isizii wɔ nnɛ nɩ, Bayɩbʋlʋ yɩ lɛ́hyɛlɩ numɔ pɔkyɩɩ bela nwʋ nkɔmɩ. Naasʋ̃, ɩhyɛlɩ kʋnɛ azʋlɔtʋ mɔɔ isizii wɔ yɛ mmɩlɩ zʋ nɩ nwʋ nkɔmɩ kɛɛ ‘ɩbayɩ azʋ̃nudwolɩyɛ wɔ azɩlɛ yɩ zʋ.’—Yikile 6:4, New World Translation.

 Danɩyɛlɩ buuku yi hyɛlɩ nkɔmɩ kɛɛ, “wɔ awielɩyɛ mmɩlɩ yɩ nu nɩ,” oyuwadɩ awulombunli mɔɔ bɛlɛ tumi nɩ “kebinyiabinyia” bɔ nwʋ anzɛnyɩɩ bɛkɛbɩbɛ mmenii bekeli bɔ zʋ tumi. Eyi kɛma bɛkɛla bɔ nwʋ ali kɛɛ bɛlɛ akʋndɩ sʋ̃maa na bɛkɛzɩkɛ “anwʋnyia” anzɛnyɩɩ ozukua sʋ̃maa.—Danɩyɛlɩ 11:40, 42, 43.

 Bayɩbʋlʋ yɩ da yɩ ali kɛɛ, mɔɔ ɩkɔlɩɩ zʋlɔ wɔ amanlɩ amanlɩ bɛ avinli nɩ bɛale salɛ nu kʋlaa ansaana nninyeni ɩayɛ bʋwɔ. Gyisɛsɩ hyɛlɩ nkɔmɩ kɛɛ, “anwʋhyɩlɩyɛ kezile mɔɔ ɔzʋmɩ oyuwadɩ yɩ tʋwɔlɛ babʋmɩ nnɛ, ebiye ilésili kyɩ̃ na ebiye sʋ̃ ilési dɔkʋ̃ kyɩ̃ kɛɣa.” (Matiyu 24:21) Ɔzɔ “anwʋhyɩlɩyɛ kezile” nɩ kɔhɔ kowieli kʋnɛ be mɔɔ bɔfʋlɛ yɩ Amagadɔnʋ nɩ nu. Na bɛkã kʋnɛ eyi nwʋ odwokɔ kɛɛ ɩdɩ, “Nyamɩnlɩ Tumivʋlɔ yɩ yi eɣile kezile nɩ nu kʋnɛ.”—Yikile 16:14, 16.

 Naasʋ̃ Amagadɔnʋ lɛ́sɩkɛ adasamaa, mfomi ikele bɛ. Nyamɩnlɩ koluwa ɔzɔ kʋnɛ yɩ zʋ kɛva enii yi tumililɛ mɔɔ ɩma kʋnɛ nɣezile nɣezile sizi nɩ munwala kɛɣa awielɩyɛ. Sɛ ɛpɛ kɛɛ ɔnwʋ kezimɔ Amagadɔnʋ kɛva azʋ̃nudwolɩyɛ kɛɣa nɩ nwʋ ndwokɔ sʋ̃maa a, kɩnga ndwokɔ eyimmɔ:

•   “Dɛn Ne Armagedon Ko No?”

•   “Harmagedon Yɛ Asɛmpa!”