NÍ KASEMI 20
Bɔ Nɛ A To Asafo ɔ He Blɔ Nya Ha
Yehowa ji Mawu nɛ e toɔ níhi a he blɔ nya. (1 Korinto Bi 14:33) Enɛ ɔ he ɔ, wa ma nyɛ maa hyɛ blɔ kaa e we bi hu maa pee nihi nɛ a to a he blɔ nya. Kɛ a to Kristofohi asafo ɔ he blɔ nya ha kɛɛ? Nɛ mɛni wa ma nyɛ maa pee konɛ blɔ nya tomi nɛ ɔ nɛ ye manye?
1. Mɛnɔ ji asafo ɔ yi?
‘Kristo ji asafo ɔ yi.’ (Efeso Bi 5:23) E ngɛ hiɔwe nɛ e kɛ ngɛ ní tsumi nɛ Yehowa we bi ngɛ tsue ngɛ je ɔ mi tsuo ɔ hɛ mi nyɛɛe. Jehanɛ se hu ɔ, Yesu hla “tsɔlɔ anɔkualetsɛ kɛ ní lelɔ ɔ.” A ji nikɔtɔmahi bɔɔ ko nɛ a nane pi si ngɛ asafo ɔ mi, nɛ a tsɛɛ mɛ hu ke Blɔ Tsɔɔmi Ajla Toli. (Kane Mateo 24:45-47.) Kaa bɔ nɛ bɔfo ɔmɛ kɛ nikɔtɔma amɛ pee ngɛ Yesu kaseli ɔmɛ a be ɔ mi ɔ, Blɔ Tsɔɔmi Ajla Toli ɔmɛ hu ngɔɔ blɔ tsɔɔmi kɛ haa asafohi tsuo ngɛ je kɛ wɛ. (Ní Tsumi 15:2) Se pi nyumu nɛ ɔmɛ nɛ a ngɛ asafo ɔ hɛ mi nyɛɛe. A kaneɔ Baiblo ɔ konɛ a le nɔ́ nɛ Yehowa suɔ nɛ a pee, nɛ a jeɔ he si bami mi nɛ a kɛ Yesu blɔ tsɔɔmi tsuɔ ní.
2. Mɛnɔmɛ ji asafo mi nikɔtɔmahi? Nɛ mɛni a tsuɔ?
Asafo mi nikɔtɔmahi ji nyumuhi nɛ a nane pi si ngɛ Mawu jami mi, nɛ a kɛ anɔkuale yemi sɔmɔ jehahi abɔ. A daa Baiblo ɔ nɔ kɛ tsɔɔ Yehowa we bi ní, a yeɔ bua mɛ, nɛ a woɔ mɛ he wami. A wui mɛ hiɔ ngɛ ní tsumi nɛ ɔ he, mohu ɔ, a ‘jeɔ a tsui mi kɛ peeɔ ngɛ Mawu hɛ mi; pi ngɛ se nami nɛ ngɛ zo he je, se mohu kɛ bua jɔmi.’ (1 Petro 5:1, 2) Asafo mi sɔmɔli ji nyumuhi ngɛ asafo ɔ mi nɛ a yeɔ bua nikɔtɔma amɛ. Bɔɔbɔɔbɔɔ ɔ, asafo mi sɔmɔli ɔmɛ hu yaa a hɛ mi, nɛ a ba sɔmɔɔ kaa nikɔtɔmahi.
Blɔ Tsɔɔmi Ajla Toli ɔmɛ hlaa nikɔtɔma nɛ ɔmɛ ekomɛ konɛ a sɔmɔ kaa kpɔ mi nɔ hyɛli. Kpɔ mi nɔ hyɛli nɛ ɔmɛ ya slaa asafo slɔɔto ɔmɛ nɛ a kɛ blɔ tsɔɔmi haa mɛ, nɛ a woɔ mɛ he wami. Ke nyɛmimɛ nyumuhi ngɛ asafo ɔmɛ a mi ɔ a he su ngɛ Ngmami ɔ mi hlami ní ɔmɛ a nya a, kpɔ mi nɔ hyɛli ɔmɛ hlaa mɛ konɛ a sɔmɔ kaa asafo mi nikɔtɔmahi, aloo asafo mi sɔmɔli.—1 Timoteo 3:1-10, 12; Tito 1:5-9.
3. Mɛni ji Yehowa Odasefohi tsuo nɛ a ngɛ asafo ɔ mi ɔ a blɔ nya ní tsumi?
Nihi tsuo nɛ a ngɛ asafo ɔ mi ɔ ‘jeɔ Yehowa biɛ ɔ yi’ kɛ gu asafo mi kpehi nɛ a yaa, kɛ fiɛɛmi ní tsumi ɔ nɛ a tsuɔ bɔ nɛ a ma nyɛ ɔ nɔ.—Kane La 148:12, 13.
MOO KASE BABAUU
O maa kase suhi nɛ Yesu jeɔ kpo kaa hɛ mi nyɛɛlɔ, bɔ nɛ nikɔtɔma amɛ bɔɔ mɔde kaa a maa kase lɛ ha, kɛ nɔ́ nɛ wɔ tsuo wa maa pee kɛ bu Yesu tue nɛ waa kɛ nikɔtɔma amɛ maa pee kake ɔ he ní.
4. Yesu ji hɛ mi nyɛɛlɔ nɛ e mi mi jɔ
Yesu kɛ nine fɔmi klɛdɛɛ ko ha wɔ. Nyɛɛ kane Mateo 11:28-30 ɔ, nɛ nyɛ susu sane bimi nɛ ɔ he:
-
Mɛni suhi nɛ Yesu jeɔ kpo kaa hɛ mi nyɛɛlɔ, nɛ kɛ e suɔ nɛ waa nu he ha kɛɛ?
Mɛni nɛ asafo mi nikɔtɔma amɛ peeɔ kɛ kaseɔ Yesu nɔ hyɛmi nɔ́ ɔ? Mo je VIDEO ɔ.
Baiblo ɔ tsɔɔ bɔ nɛ e sa kaa nikɔtɔma amɛ nɛ a tsu a ní tsumi ɔ ha a mi heii.
Nyɛɛ kane Yesaya 32:2 kɛ 1 Petro 5:1-3 ɔ, nɛ nyɛ susu sane bimihi nɛ nyɛɛ se nɛ ɔmɛ a he:
-
Kɛ lemi nɛ o ba le kaa asafo mi nikɔtɔma amɛ ngɛ mɔde bɔe kaa a maa wo wa bua kaa bɔ nɛ Yesu pee ɔ haa nɛ o nuɔ he ha kɛɛ?
-
Mɛni ji blɔ kpa komɛ nɛ nikɔtɔma amɛ guɔ nɔ kɛ kaseɔ Yesu?
5. Nikɔtɔma amɛ peeɔ nɔ hyɛmi nɔ́ kpakpa
Kɛ Yesu suɔ kaa asafo mi nikɔtɔma amɛ nɛ a na ní tsumi nɛ a kɛ wo a dɛ ɔ ha kɛɛ? Mo je VIDEO ɔ.
Yesu pee nɔ hyɛmi nɔ́ kɛ ha nihi nɛ a nyɛɛɔ asafo ɔ hɛ mi ɔ. Nyɛɛ kane Mateo 23:8-12 ɔ, nɛ nyɛ susu sane bimi nɛ ɔ he:
-
Kɛ Baiblo ɔ tsɔɔ kaa asafo mi nikɔtɔmahi nɛ á pee a ní ha kɛɛ? Ke o hyɛ ɔ, jami hɛ mi nyɛɛli ɔmɛ kɛ nɔ́ nɛ Baiblo ɔ de nɛ ɔ tsuɔ ní lo?
-
A. Asafo mi nikɔtɔmahi yeɔ bua nɛ huɛ bɔmi gbagbanii hiɔ a kɛ a weku ɔ kɛ Yehowa a kpɛti
-
B. Asafo mi nikɔtɔmahi yeɔ bua nɔ fɛɛ nɔ ngɛ asafo ɔ mi
-
D. Asafo mi nikɔtɔmahi fiɛɛɔ be fɛɛ be
-
E. Asafo mi nikɔtɔma amɛ tsɔɔ ní, a yeɔ bua kɛ dlaa hehi nɛ wa buaa wa he nya ngɛ ɔ, nɛ a tsuɔ ní kpahi a he ní hulɔ
6. E sa nɛ waa kɛ nikɔtɔma amɛ nɛ pee kake
Baiblo ɔ tsɔɔ nɔ́ he je nɛ e he hia nɛ waa bu nikɔtɔma amɛ tue ɔ. Nyɛɛ kane Hebri Bi 13:17 ɔ, nɛ nyɛ susu sane bimihi nɛ nyɛɛ se nɛ ɔmɛ a he:
-
Anɛ nile ngɛ blɔ tsɔɔmi nɛ Baiblo ɔ kɛ ha kaa waa bu nihi nɛ a ngɛ wa hɛ mi nyɛɛe ɔ, nɛ waa ba wa he si kɛ ha mɛ ɔ mi lo? Mɛni he je nɛ o de jã a?
Nyɛɛ kane Luka 16:10, nɛ nyɛ susu sane bimi nɛ ɔ he:
-
Mɛni he je nɛ e he hia nɛ waa bu asafo mi nikɔtɔma amɛ tue ngɛ ní nyafinyafihi po a mi ɔ?
NI KOMƐ DEƆ KE: “E he hia we nɛ o kɛ o he nɛ wo jami pɔtɛɛ ko mi.”
-
Ke nɔ ko piɛɛ nihi nɛ a ngɛ asafo ɔ mi ɔ a he kɛ jaa Mawu ɔ, mɛni se e ma ná?
NYA MWƆMI
Yesu ji asafo ɔ yi. Waa kɛ bua jɔmi buɔ nikɔtɔmahi nɛ a ngɛ sɔmɔe ngɛ Yesu sisi ɔ a blɔ tsɔɔmi tue, ejakaa a woɔ wɔ he wami, nɛ a peeɔ nɔ hyɛmi nɔ́ kpakpa kɛ haa wɔ.
Mi Nylɔmi
-
Mɛnɔ ji asafo ɔ yi?
-
Kɛ asafo mi nikɔtɔma amɛ yeɔ bua asafo ɔ ha kɛɛ?
-
Mɛni ji Yehowa sɔmɔli tsuo nɛ a ngɛ asafo ɔ mi ɔ a blɔ nya ní tsumi?
NÍ KPAHI NƐ MAA YE BUA MO
Moo hyɛ níhi nɛ tsɔɔ kaa Blɔ Tsɔɔmi Ajla Toli ɔmɛ kɛ asafo mi nikɔtɔma amɛ susuɔ asafo mi bi ɔmɛ a he mwɔnɛ ɔ.
Bɔ Nɛ A Wo Nyɛmimɛ Ɔmɛ He Wami Ha Ngɛ Nya Tsimi Be Mi (4:22)
Moo kase níhi nɛ kpɔ mi nɔ hyɛli tsuɔ ɔ he ní.
Bɔ Nɛ Kpɔ Mi Nɔ Hyɛmi Ní Tsumi ɔ Ngɛ Ha Ngɛ Kɔpehi A Mi (4:51)
Moo kane níhi nɛ yihi tsuɔ ngɛ asafo ɔ mi ɔ he ní.
“Anɛ Yihi Nɛ A Ji Yehowa Odasefohi ɔ Hu Fiɛɛɔ Lo?” (Hwɔɔmi Mɔ, September 1, 2012)
Moo kane mɔde nɛ asafo mi nikɔtɔmahi bɔɔ kɛ woɔ a nyɛmimɛ Kristofohi he wami ɔ he ní.
“Asafo Mi Nikɔtɔmahi—‘A Kɛ Wɔ Ngɛ Ní Tsue Konɛ Wa Ná Bua Jɔmi’” (Hwɔɔmi Mɔ, January 1, 2013)
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
