NÍ KASEMI 17
Mɛni Suhi Nɛ Yesu Ngɛ?
Ke wa kase níhi nɛ Yesu de, kɛ níhi nɛ e pee benɛ e ngɛ zugba a nɔ ɔ he ní ɔ, wa maa le su kpakpahi nɛ e ngɛ ɔ, nɛ lɔ ɔ ma ha nɛ waa hɛ wɔ kɛ su e kɛ e Tsɛ Yehowa a he. Mɛni ji su kpakpahi nɛ Yesu ngɛ ɔ ekomɛ? Nɛ mɛni blɔ nɔ wa maa gu kɛ kase lɛ?
1. Ngɛ mɛni blɔhi a nɔ nɛ Yesu ngɛ kaa e Tsɛ ɔ?
Benɛ Yesu ngɛ hiɔwe ɔ, e to bɔ nɛ e Tsɛ nɛ e ngɛ suɔmi ɔ peeɔ e ní ha a he hɛ, nɛ e kɛ jeha ayɔ akpehi abɔ kase lɛ. Enɛ ɔ he ɔ, Yesu susuɔ nɔ́ he, e nuɔ nɔ́ he, nɛ e peeɔ e ní kaa e Tsɛ ɔ pɛpɛɛpɛ. (Kane Yohane 5:19.) Ngɛ anɔkuale mi ɔ, Yesu jé e Tsɛ ɔ su ɔmɛ kpo saminya. Enɛ ɔ he ɔ, e de ke: “Nɔ fɛɛ nɔ nɛ e na mi ɔ, e na Tsɛ ɔ hulɔ.” (Yohane 14:9) Ke o ngɛ Yesu su ɔmɛ a he ní kasee ɔ, o ma ba le Yehowa saminya. Kaa nɔ hyɛmi nɔ́ ɔ, bɔ nɛ Yesu mi mi sãa lɛ ha ngɛ nihi a he ɔ tsɔɔ kaa Yehowa susuɔ mo hu o he.
2. Mɛni Yesu pee kɛ tsɔɔ kaa e suɔ Yehowa?
Yesu de ke: “Bɔ nɛ pee nɛ je ɔ nɛ e le kaa i suɔ Tsɛ ɔ, i peeɔ kaa bɔ nɛ Tsɛ ɔ fã mi ke ma pee ɔ.” (Yohane 14:31) Benɛ Yesu ngɛ zugba a nɔ ɔ, e bu e Tsɛ ɔ tue ngɛ si fɔfɔɛhi nɛ a mi wa po a mi kɛ tsɔɔ kaa e ngɛ suɔmi nɛ mi kuɔ kɛ ha lɛ. Akɛnɛ Yesu suɔ e Tsɛ ɔ wawɛɛ he je ɔ, e deɔ nihi e Tsɛ ɔ he sanehi be fɛɛ be, nɛ e suɔ kaa e maa ye bua nihi konɛ a kɛ e Tsɛ ɔ nɛ bɔ huɛ.—Yohane 14:23.
3. Mɛni Yesu pee kɛ tsɔɔ kaa e suɔ nimli adesahi?
Baiblo ɔ de ke Yesu náa “nimli adesahi tsuo a he bua jɔmi.” (Abɛ 8:31) Yesu wo nihi he wami, nɛ e je e tsui mi tsuo kɛ ye bua mɛ kɛ tsɔɔ kaa e suɔ nimli adesahi. Nyakpɛ níhi nɛ e pee ɔ hu tsɔɔ kaa e ngɛ he wami, nɛ e mi mi sãa lɛ ngɛ nihi a he. (Maako 1:40-42) E jé mi mi jɔmi kpo kɛ tsɔɔ nihi, nɛ e hyɛ we nɔ ko hɛ mi. Munyuhi nɛ e tu ɔ wo tsui kpakpatsɛmɛ a bua, nɛ e ha nɛ a ná hɛ nɔ kami. Akɛnɛ Yesu suɔ adesahi tsuo he je ɔ, e ngmɛ blɔ nɛ a pee lɛ nɔ́ yeyee, nɛ a gbe lɛ. Se nihi titli nɛ e suɔ ji nihi nɛ a kɛ e blɔ tsɔɔmihi tsuɔ ní.—Kane Yohane 15:13, 14.
MOO KASE BABAUU
Moo kase Yesu su ɔmɛ a he ní fuu, nɛ́ jehanɛ ɔ se hu ɔ, o kase bɔ nɛ o ma plɛ kɛ je suɔmi kɛ mi mi jɔmi kpo kɛ tsɔɔ nihi kaa bɔ nɛ Yesu pee ɔ hu he ní.
4. Yesu suɔ e Tsɛ ɔ
Yesu nɔ hyɛmi nɔ́ ɔ tsɔɔ wɔ níhi nɛ wa ma nyɛ maa pee kɛ tsɔɔ kaa wa suɔ Mawu. Kane Luka 6:12 kɛ Yohane 15:10; 17:26. Ke nyɛ kane ngmami ɔ eko fɛɛ eko ta a, nyɛ susu sane bimi nɛ ɔ he:
-
Mɛni wa ma nyɛ maa pee kɛ tsɔɔ kaa wa suɔ Yehowa kaa bɔ nɛ Yesu suɔ Yehowa a?
Yesu suɔ e hiɔwe Tsɛ ɔ, nɛ e kɛ lɛ pɔɔ ní sɛɛmi ngɛ sɔlemi mi
5. Yesu susuɔ nihi nɛ a hia yemi kɛ buami ɔ a he
Benɛ Yesu ngɛ zugba a nɔ ɔ, e susu ni kpahi a he pe lɛ nitsɛ e he. Benɛ pɔ tɔ lɛ po ɔ, e ná be kɛ ha nihi, nɛ e ye bua mɛ. Nyɛɛ kane Maako 6:30-44 ɔ, nɛ nyɛ susu sane bimihi nɛ nyɛɛ se nɛ ɔmɛ a he:
-
Ngɛ ngmami nɛ ɔ mi ɔ, mɛni ní komɛ nɛ Yesu pee kɛ tsɔɔ kaa e susuɔ nihi a he?—Hyɛ kuku 31, 34, 41, kɛ 42.
-
Mɛni lɛ ha nɛ Yesu ye bua nihi ɔ?—Hyɛ kuku 34.
-
Akɛnɛ Yesu jeɔ e Tsɛ ɔ su ɔmɛ kpo he je ɔ, mɛni nɛ níhi nɛ́ e pee ɔ tsɔɔ mo ngɛ Yehowa he?
-
Mɛni ji ní komɛ nɛ́ wa ma nyɛ maa pee kɛ tsɔɔ kaa wa susuɔ nihi a he kaa bɔ nɛ Yesu pee ɔ?
6. Yesu haa nɔ nɔ́ faa
E ngɛ mi kaa Yesu be he lo nya níhi fuu mohu lɛɛ, se e haa nɔ nɔ́, nɛ e wo wɔ he wami kaa wɔ hu waa pee jã. Nyɛɛ kane Ní Tsumi 20:35 ɔ, nɛ nyɛ susu sane bimi nɛ ɔ he:
-
Mɛni nɛ Yesu tsɔɔ kaa e ma ha wɔ bua jɔmi?
Mo je VIDEO ɔ, nɛ nyɛ susu sane bimi nɛ ɔ he.
-
Ke wa be he lo nya níhi tsɔ po ɔ, mɛni ji ní komɛ nɛ wa ma nyɛ maa pee ha nihi?
Anɛ o le lo?
Baiblo ɔ tsɔɔ kaa e sa nɛ waa sɔle ha Yehowa kɛ gu Yesu biɛ mi. (Kane Yohane 16:23, 24.) Ke wa sɔle kɛ gu Yesu biɛ mi ɔ, wa ngɛ tsɔɔe kaa wa le nɔ́ nɛ Yesu pee kɛ ye bua wɔ konɛ wa nyɛ nɛ waa pee Yehowa huɛmɛ.
NI KOMƐ DEƆ KE: “Ke wa ngɛ nɔ́ nae ɔ, e hɛwi Mawu.”
-
Akɛnɛ Yesu jeɔ e Tsɛ ɔ su ɔmɛ kpo he je ɔ, mɛni ji ní komɛ nɛ́ e pee nɛ́ lɔ ɔ haa nɛ wa naa kaa Yehowa susuɔ wa he?
NYA MWƆMI
Yesu suɔ Yehowa, nɛ e suɔ adesahi hulɔ. Akɛnɛ Yesu ngɛ kaa e Tsɛ ɔ he je ɔ, ke o ngɛ Yesu lee ɔ, o maa le Yehowa hu saminya.
Mi Nylɔmi
-
Mɛni wa ma nyɛ maa pee kɛ tsɔɔ kaa wa suɔ Yehowa kaa bɔ nɛ Yesu pee ɔ?
-
Mɛni wa ma nyɛ maa pee kɛ tsɔɔ kaa wa suɔ nimli kaa bɔ nɛ Yesu pee ɔ?
-
Yesu su ɔmɛ a kpɛti te nɛɛ lɛ o bua jɔ he wawɛɛ?
NÍ KPAHI NƐ MAA YE BUA MO
Moo hyɛ Yesu suhi nɛ wa ma nyɛ maa kase ɔ ekomɛ.
“Ke O Suɔ Nɛ O Kase Yesu ɔ, . . .” (Yesu Ji Blɔ ɔ, Anɔkuale ɔ, Kɛ Wami ɔ, ba fa 317)
Moo kase nɔ́ he je nɛ e sa nɛ waa sɔle ngɛ Yesu biɛ mi ɔ.
“Mɛni He Je Nɛ E Sa Nɛ Waa Sɔle Ngɛ Yesu Biɛ Mi ɔ?” (Hwɔɔmi Mɔ, February 1, 2008)
Anɛ Baiblo ɔ de nɔ́ ko ngɛ bɔ nɛ Yesu nɔmlɔ tso ngɛ ha a he lo?
“Kɛ Yesu Ngɛ Ha Kɛɛ Tutuutu?” (Munyu nɛ ɔ ngɛ Intanɛti ɔ nɔ)
Mɛni wa ma nyɛ maa kase ngɛ bɔ nɛ Yesu kɛ yihi hi si ha a mi?
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
