Jo Muto Mono Gitwero Kwo Doki?
Iromo wacci . . .
-
eyo?
-
pe?
-
gwok nyo?
GIN MA BAIBUL WACO
“Dano gibicer woko.”—Tic pa Lukwena 24:15, Acholi Baibul.
BER PA LOK MAN PIRI
Lok man kweyo cwinywa ka ngat ma wamaro oto.—2 Jo Korint 1:3, 4.
Gonyowa ki i lworo to.—Jo Ibru 2:15.
Miyowa gen me jolo jo me amarawa ka gibicer.—Jon 5:28, 29.
TIKA ADA WATWERO GENO GIN MA BAIBUL WACO?
Watwero gire, olo pi tyen lok adek:
-
Lubanga aye Lacwec. Baibul lwongo Lubanga Jehovah ni “wang it me kwo.” (Jabuli 36:9; Tic pa Lukwena 17:24, 25) Ngat ma ocweyo jami makwo ducu twero dwoko kwo pa ngat muto.
-
Lubanga dong ocero dano i kare mukato angec. Baibul loko i kom nicer pa dano aboro—jo matino, jo mutii, co ki mon—ma kicerogi me kwo i lobo kany. Mogo onongo pud guto atoya, ento ngat acel onongo dong orii i lyel pi nino angwen kulu!—Jon 11:39-44.
-
Lubanga mito cero jo muto. Jehovah dag to; en neno to calo lakwor. (1 Jo Korint 15:26) En mito loyo lweny i kom lakwor meno mada, obitiyo ki nicer me jwayo to woko. En mito cero jo muto ma en po pigi ki me nenogi ka gikwo i lobo kany odoco.—Yubu 14:14, 15.
TAM KONG
Itwero Bedo ki Miti i kom Lok Man
PWONY MA PIGI TEGO ME BAIBUL
Jo Muto Gitye Nining?
Baibul cikke pi kare mo ma dano mapol kibicerogi, calo Lajaro.
LAPENY MA KIGAMO ME BAIBUL
Nicer Obedo Ngo?
Itwero bedo ki ur i kom angagi ma kibicerogi me kwo odoco.
WI LUBELE
Gen pi Jo Muto—Itwero Mokone Nining?
Baibul miniwa tyen lok aryo mucwiny ma weko wabedo ki gen ni nicer bitimme.
LOK MADOK I KOMWA
Pingo Omyero Ikwan Baibul?—Vidio Mabor
Baibul tye ka miyo lagam me lapeny ma pigi tego ma mako kwo pi dano milion mapol i but lobo ducu. In bene imito bedo ngat acel i kingi?
