Omuso Ọghe Abọ 3
E Baibol keghi sunu ye ibozẹghẹ emwa ni ga e Jehova vbe ukpo eso ghi gberra nẹ vbe iyeke Okuo Amẹ nii. Ọkpa vbe iran na keghi re Ebraham, na wa rẹn ye ọse ọghe Jehova. Vbọsiẹ ne a na gha tie ẹre ọse Jehova? Adeghẹ evbibiẹ ọmọ ẹre u khin, ru iyobọ ne ovbuẹ ya rẹn wẹẹ e Jehova hoẹmwẹ ọnrẹn kevbe wẹẹ ọ vbe hoo nọ ru iyobọ nẹẹn. Ma gha vbe sẹtin nọ iyobọ vbe obọ e Jehova, vbene Ebraham, e Lọt kevbe Jekọb ni ghaa mwẹ amuẹtinyan ru ẹre. Ma gha sẹtin vbe gha mwẹ ilẹkẹtin wẹẹ, e Jehova gha mu eyan ọghẹe hia sẹ.
VBE AKO NA
IRUẸMWI 7
Owa Nọkhua Ne Iran Bọ Vbe Babẹl
Emwa na wẹẹ iran khian bu ẹvbo kevbe iran khian bọ owa nọ yo sẹ orere iso. Vbọsiẹ ne Osanobua na fi urhuẹvbo ọghe iran werriẹ?
IRUẸMWI 8
Ebraham Vbe Sera Keghi Họn Ẹmwẹ Ne Osanobua
Vbọsiẹ ne Ebraham vbe Sera na sẹ owa ọghe iran rae vbe Ọọ gha rrie otọ e Kena zẹvbe ọrriọvbe?
IRUẸMWI 9
Ọ Ye Sẹtin Biẹ!
De vbene Osanobua khian ya mu eyan nọ yan rẹn ma Ebraham sẹ hẹ? De egbe ọmwa ne eyan na khian na mwẹ amusẹ? Egbe Aizik nọ ra, ra Ismẹl?
IRUẸMWI 10
Yee Amwẹ E Lọt Rre
Osanobua keghi hihiẹ erhẹn kue Sọdom vbe Gomorra. Vbọsiẹ ne Osanobua na guọghọ ẹvbo eva nii? Vbọsiẹ ne ọ na khẹke ne ima yee amwẹ e Lọt rre?
IRUẸMWI 11
Edanmwẹ Ọghe Amuẹtinyan
Osanobua keghi tama Ebraham wẹẹ: ‘Lahọ, ya ukpọmọkpa ne u mwẹ ru izọese gu mwẹ vbe uhunmwu oke ọghe Moraia.’ De emwi ne Ebraham khian ru vbe irẹn werriẹ aro daa edanmwẹ ọghe amuẹtinyan na?
IRUẸMWI 12
E Jekọb Keghi Rri Ukhu Ọmọ Ọdiọn
Aizik vbe Ribẹka na gha mwẹ ivin eva. Isọ ọre ọmọ ọdiọn nọ khẹke nọ rri ukhu. Nọghayayerriọ, ọ na muẹn fua rhunmwuda evbare. Vbọsiẹ ne ọ na rhunmwuda evbare mu asẹ ọghe ọmọ ọdiọn nọ mwẹ fua?
IRUẸMWI 13
E Jekọb Vbe Isọ Keghi Ru Adọlọ
De vbene Jekọb ya miẹn afiangbe hẹ vbe obọ odibosa? De vbene ọ ya gu Isọ ru adọlọ hẹ?
