ABỌ 4
De Emwi Nọ Ghi Kẹrikian Vbe Iran Danmwehọ E Setan?
Adam vbe Ivi ma họn ẹmwẹ ne Osanobua, rhunmwuda ọni, iran keghi wu. Gẹnẹsis 3:6, 23
Ivi keghi danmwehọ ẹyẹn nii, ọ na rri ọmọ erhan nii. Vbe iyeke ọni, ọ na vbe rhie ne Adam ne ọ re vbọ, ẹre Adam na gele rriọe.
Emwi ne iran ru na keghi re orukhọ. Osanobua keghi khulo iran hin e Paradais rre.
Agbọn na do gha lọghọ iran kevbe ivbi iran. Iran na do khian ọmaẹn, iran na ghi wu. Iran ma gha rrie ehe rhọkpa vbe iran wu; iran ma ghi gha rrọọ.
Ọmwa gha wu nẹ, ọ ghi khian ekẹn. Gẹnẹsis 3:19
Rhunmwuda ne ima hia na re ivbi Adam vbe Ivi ẹre ọ si ẹre ne ima na wulo. Ọmwa gha wu nẹ, ẹi ghi bẹghe emwi nọ sunu, ẹi ghi họn ẹmwẹ na ta, ẹi ghi vbe sẹtin ru emwi rhọkpa.—Asan-Ibo 9:5, 10.
E Jehova ma te hoo ne emwa gha wulo. Vbe nẹi khian ghi kpẹẹ gbe, ọ gha huẹn emwa ni wulo kpaegbe. Adeghẹ iran na danmwehọ re, iran ghi gha rrọọ vbe etẹbitẹ.
You May Also Like
ESSENTIAL BIBLE TEACHINGS
Vbọ Sunu Daa Emwa Ni Wulo Nẹ?
E Baibol gi ima rẹn wẹẹ ẹghẹ dee ne emwa nibun ni wulo gha ya rhiọkpaegbe, vbene Lazarọs vbe gha ye.
ESSENTIAL BIBLE TEACHINGS
Vbọzẹe Ne Osanobua Na Kue Ne Emwa Gha Susẹ?
Emwa nibun keghi nọ evbọzẹe ne ikhuiwu kevbe usẹ na gba ehe ehia vbe agbọn na. Ewanniẹn ne Baibol rhie ye inọta na keghi fu ọmwa ẹko rre, ọ vbe mu ọmwa orhiọn sotọ.
